Səhiyyə eksperti Akaki Zoidzenin bildirdiyinə görə, Marneulidə
koronavirusa yoluxmuş qadın kifayət qədər çox insanla təmasda
olub.
Onun sözlərinə görə, hazırda ümumilikdə 1700-dək onunla təmasda
olmuş şəxs müəyyən edilib. Bu barədə məlumatı İctimai Kanal
yayımlayıb.
“Marneuli və Bolnisidə məsələ kifayət qədər
problemlidir, çünki çox insanla təmasda olub, hazırda bu rəqəm
1700-dək yüksəlib. 90 nəfər daha sonra 1700 nəfərədək adamla
təmasda olub və onların hamısının təcrid olunması lazım
gələcək”, – Akaki Zoidze bildirib.
Marneulidə 60 yaşlarında qadında 22 mart tarixində koronavirus
aşkarlanıb. O, hazırda Tbilisi Universitet Klinikasına aparılıb.
Onun vəziyyətinin ağır olduğu bildirilir.
Marneuli və Bolnisi bələdiyyələri ciddi karantin rejiminə keçib. Bu
haqda Gürcüstanın Baş naziri Qiorqi Qaxaria 23 mart tarixində saat
00:30-da baş tutan brifinqdə bildirib. Hökumət bu qərarı Marneulidə
bir qadında koronovirus halının təsdiqlənməsinə görə qəbul edib və
onun yoluxma mənbəyi müəyyən edilməyib.