Marneuli meriyası Xixani kənd ambulatoriyası və Tserakvi inzibati
binalarının bərpasını planlaşdırır. Yerli özünüidarə bərpa işləri
üçün lazımı smeta sənədlərinin tərtib edilməsi üçün 4 661 lari
dəyərində tender elan edib.
Merin Tserakvi inzibati ərazi vahidliyindəki nümayəndəsi İrakli
Xaptani “Marneuli” radiosu ilə söhbəti zamanı bildirdi ki, binanın
əsas problemi yağışlar zamanı dam örtüyündən suyun sızmasıdır.
“Binaya su
damır. Dam örtüyü təxminən 5-6 il əvvəl dəyişdirilib. Ancaq
deformasiya olub, bir tərəfdən də su damır. Yanında ambulatoriya
var, təchizatı orada saxlayırıq. Su damır deyə aça
bilmirik”, – İrakli Xaptani bildirdi.
Meriyanın elan etdiyi tenderdə qeyd olunub ki, Tserakvi kəndinin
inzibati binasında əsas işlər döşəmə və divarların bərpası olacaq.
İşlərin təxmini dəyəri 20 000 laridir.
Xixani kəndində isə ambulatoriya binasının xarab olmuş dam örtüyü
və döşəmənin bərpası, ayaqyolu üçün su anbarının tikilməsi
planlaşdırılır. İşlərin təxmini dəyəri 12 000 laridir.
Marneuli bələdiyyəsinin Xixani kəndinin tibb məntəqəsinin və
Tserakvi inzibati binasının bərpası işlərinin smeta sənədlərinin
tərtib edilməsi üçün 10 may tarixində tender elan olunub. Tenderdə
iştirak etmək istəyənlər 19 maydan 21 may tarixinə qədər
təkliflərini təqdim edə bilərlər. Qalib şirkət müqavilə
bağlandıqdan sonra 30 gün ərzində işləri həyata keçirməli
olacaq.