Zaur Darğallı müsəlmanları Ramazan bayramı münasibətilə təbrik edib – Video
11:57 / 13.05.2021
Parlamentin Marneuli və Qardabani seçki dairəsindən seçilmiş
majoritar deputatı Zaur Darğallı Gürcüstanda yaşayan müsəlmanları
müqəddəs Ramazan bayramı münasibəti ilə təbrik edib.
Darğallı bu barədə öz “Facebook” səhifəsində video paylaşım edib.
O, xüsusi ilə Marneuli və Qardabanidə yaşayan müsəlmanları ürəkdən
təbrik etdiyini qeyd edib.
“Əziz dostlar hər birimiz üçün Müqəddəs olan Ramazan
ayı sona çatır. Mən Ramazan bayramı münasibəti ilə Gürcüstanda
yaşayan bütün müsəlmanları, xüsusi ilə də Marneuli və Qardabanidə
yaşayan müsəlmanlarımızı ürəkdən təbrik edirəm! Sizə və
ailələrinizə xoş günlər, əminamanlıq və firəvanlıq arzu edirəm!
Ramazan bayramınız mübarək!”
Qeyd edək ki, bu gün, 13 may tarixində dünya müsəlmanları Ramazan
bayramını qeyd edirlər.