Marneuli “Kənd Suları” MMC-nin rəhbəri Nəbi Abdullayev vəzifəsini tərk edib.
Marneuli meriyasının balansında olan şirkətə indi Akif Əliyev rəhbərlik edir. Abdullayev bizimlə söhbəti zamanı bildirdi ki, işini öz istəyi əsasında tərk edib. Onun sözlərinə görə, fəaliyyətini biznesdə davam edəcək.

“İndi heç yerdə işləmirəm. Mənim başqa işlərim var və onlarla məşğulam. Vəzifəmi öz istəyimlə tərk etmişəm, indi mənim yerimə Akif Əliyev təyin olunub. İşlərim çoxdur, şəxsi biznesim var və çatdırmıram deyə vəzifəmi tərk etdim”.

Nəbi Abdullayevin vəzifəsini tərk etməsinin meriyada aparılan islahatla bir əlaqəsi var, ya yox – bu məlum deyil.



Marneuli su və kanalizasiya sisteminin tikinti işləri davam etdirilir.

8 sentyabrda “Gürcüstan Birləşmiş Su Təchizatı Şirkəti” məlumat yayımlayıb ki, layihənin davam etdirilməsi ilə bağlı müqavilə artıq bağlanıb.

“Gürcüstan Birləşmiş Su Təchizatı Şirkəti” Marneulinin su və kanalizasiya, eləcə də Bolnisinin kanalizasiya sisteminin, kollektorun tikintisini davam etdirir. Layihəni beynəlxalq tenderdə qalib gəlmiş iki şirkət həyata keçirəcək.
Marneuli su və kanalizasiya sistemi, Bolnisinin kanalizasiya sisteminin tikinti işləri 6 müstəqil layihə olaraq həyata keçiriləcək. Birləşmiş Su Təchizatı şirkətinin bəyanatında qeyd olunub ki, şirkətlər işləri 15 aya başa vurmalıdırlar.

Layihə Asiya İnkişaf Bankının maliyyə dəstəyi ilə həyata keçiriləcək və bunun üçün 47 003 251 dollar ayrılıb.



Rus xidmətlərindən, kompüter proqramları və aplikasiyalarından istifadə Gürcüstan vətəndaşları üçün təhlükəlidir.

Kibertəhlükəsizlik üzrə mütəxəssis Andro Qotsiridze “Marneuli” radiosu ilə söhbəti zamanı bildirdi ki, rus məhsullarından istifadə etmək Gürcüstan vətəndaşları üçün, xüsusilə də dövlət məmurları üçün təhlükəlidir. Çünki Rusiyada Kreml siyasəti və biznes arasında hədd silinib.

“Hər hansı kompüter xidməti istifadəçisi, eləcə də onun həminki məqamdakı yeri, hobbi, onun getməli olduğu yerlər haqqında şəxsi məlumat toplayır. Eləcə də istifadəçinin icazəsi olmadan video kamera və audio mikrofonun qeydiyyatı aktivləşdirilə, sanksiya olmadan rus xüsusi xidmətçilərinə verilə bilər.”

Andro Qotsiridzenin sözlərinə görə, bir neçə ölkə artıq rus servislərindən, kompüter proqramları və aplikasiyalardan istifadəni qadağan edib. Amerika Birləşmiş Ştatları ölkənin dövlət ektorunda rus proqramlarının fəaliyyətini tamamilə qadağan edib. Çünki kasperski virusu dövlət məmurlarından məlumat oğurlayırmış. Litvanın Müdafiə Naziriyinin kiber təhlküəsizlik mərkəzi də dövlət məmurları rus proqramlarından istifadədən çəkinmək məqsədi ilə xəbərdarlıq edib. Çünki onlar məlumat əldə edir və Rusiyaya göndərirlər.


2022-ci ilin 1 yanvarından ölkə miqyasında torpağın sistemli qeydiyyatına başlanılıb.

Gürcüstan Ədliyyə Nazirliyinin İctimai Reyestr Milli Agentliyi 2022-2024-cü illərdə Gürcüstanın bütün bələdiyyələrində (İşğal edilmiş ərazilərdən və özünüidarə şəhərləri: Tbilisi, Batumi, Kutaisi, Rustavi, Poti başqa) sistemli qayda ilə mərhələli şəkildə ölçəcək və özəl, dövlər və ya bələdiyyə əmlakı olan torpaq sahələrini qeydiyyatdan keçirəcək. İslahat ölkənin 10000-dən artıq inzibati vahidliyini əhatə edir. Məlumat vermək üçün 7 sentyabrda Gürcüstan Ədliyyə Nazirliyinin İctimai Reyetsr Milli Agentliyi Marneulidə torpağın sistemli qeydiyyat islahayı məsələləri ilə bağlı vətəndaşlarla görüş küçirib. İstəyi olanlara yerində SLR.napr.gov.ge veb-portalında qeydiyyatdan keçmək şəriti yaradılıb.