Marneulidə "USAID" tərəfindən maliyyələşdirilən və Birləşmiş
Millətlər Təşkilatının Gürcüstan Assosiasiyası (UNAG) ilə birgə
Amerika təşkilatı PH International 18-29 yaşlı gənclər üçün 7½
aylıq biznes ingilis dili kursuna başlayır.
Kursun məqsədi sahibkarlıq/biznes məzmununa əsaslanan təlim
vasitəsilə proqrama cəlb olunmuş gənclərin dil bacarıqlarını
inkişaf etdirməkdir. Məzmun əsaslı dil öyrənmə gənc benefisiarlara
karyeralarını yüksəltmək və/və ya öz bizneslərini qurmağa imkan
yaratmaq üçün sahibkarlıq təhsili ilə işgüzar ingilis dilini
birləşdirir.
7½ aylıq ingilis dili kursu biznes ingilis dilinin öyrənilməsinə
yönəlmiş 120 saat peşəkar ingilis dilində təlim təqdim edir və
Gürcüstanda biznesə başlamaq üçün əsas tələblər, biznes planın
hazırlanmasının əsasları, sosial mediadan istifadə üçün təlimat,
marketinq məqsədləri və liderlik bacarıqlarını inkişaf etdirmək
daxildir. İngilis dili kursu 2022-ci ilin dekabr ayından
başlayacaq. Dərslər həftədə iki dəfə 2 saat keçiriləcək. Dil kursu
təcrübəli və ixtisaslı təlimçilər tərəfindən aparılacaq.
İngilis dili öyrənmə qrupları müsabiqə əsasında seçiləcək 20
həvəsli gəncdən ibarət olacaq.
Proqramda iştirak edən gənclərdən dərslərin ən azı 70%-də iştirak
etmələri və onların aylıq qiymətləndirmələri 7 baldan aşağı
olmamalıdır (10 ballıq qiymətləndirmə sistemi əsasında). Əks halda,
həmin iştirakçının ehtiyatda olan namizədlə əvəzlənməsi məsələsi
müzakirəyə çıxacaq.
Qeydiyyatdan keçmək üçün linkə daxil olun:
http://bit.ly/3VFNjui
Ərizələrin göndərilməsi üçün son tarix 11 dekabr 2022-ci il, saat
23:00-dır.