Bu gün, 14 avqust tarixində Marneuli Mülki Məşğulluq Mərkəzində Gürcüstanın Avropaya inteqrasiyası, xarici təhlükələr və ölkənin geostrateji üstünlüyü mövzusunda görüş keçirildi.

Mühazirəni Rondeli Fondunun nümayəndələri Kaxa Qoqolaşvili və Zurab Batiaşvili təqdim etdilər. Onlar görüşdə gənclərə Avropa İttifaqından və dəyərlərindən bəhs etdilər. Bu barədə “Marneuli” radiosu ilə söhbəti zamanı Zurab Batiaşvili bildirdi ki, onlar Gürcüstanın müxtəlif bölgələrinə gedib gənclərlə və qeyri-hökumət təşkilatlarının nümayəndələri ilə görüş keçirirlər.

“Bölgələrə gedib gənclərlə və qeyri-hökumət təşkilatlarının nümayəndələri ilə görüşürük. Gürcüstan və onun ətrafında baş verən hadisələr haqqında danışırıq. Onların düşüncələrini, suallarını dinləyirik. Gürcüstanın təhlükəsizliyi, qarşısında duran problemlər, Rusiya təbliğatı, Rusiyanın yaydığı dezinformasiya haqqında danışırıq. Çalışırıq ki, gənclərə işin məzmununu izah edək, reallığı göstərək və həmçinin, Rusiya tərəfindən yayılan dezinformasiya və təbliğat ilə necə mübarizə etməlidirlər onu öyrətməyə çalışırıq. Bu qanunu qəbul etdiklərinə görə, Gürcüstan vətəndaşları 26 oktyabr tarixində rus partiyalarına səs verməsinlər”, – Rondeli Fondunun araşdırmaçısı Zurab Batiaşvili dedi.

Görüşdə gənclər və müxalifət partiyaların üzvləri iştirak edirdilər.