Marneuli bələdiyyəsi miqyasında 8 seçki məntəqəsində imitasiya edilmiş səsvermə prosesi baş tutacaq. Səsvermə prosesində hər hansı istəyi olan şəxs iştirak edə bilər.

Mərkəzi Seçki Komissiyası tərəfindən yayımlanan məlumata görə, imitasiya edilmiş səsvermə prosesinin məqsədi seçki texnologiyalarından istifadə haqqında seçicilərin məlumatlandırılması və səsvermə proseduraları ilə bağlı praktiki bacarıqların inkişaf etdirilməsidir.

“Seçki administrasiyası elektron seçkilərlə əlaqədar məlumat kampaniyası çərçivəsində daha bir genişmiqyaslı layihə həyata keçirəcək. 11 sentyabr tarixində, ölkə miqyasında 598 seçki məntəqəsində, həmçinin, etnik azlıqların məskunlaşdığı regionlarda imitasiya edilmiş səsvermə prosesi keçiriləcək və səsvermədə hər

bir seçici iştirak edə bilər”, – MSK-nın məlumatında qeyd olunub.

İmitasiya edilmiş səsvermə prosesi 11 sentyabr tarixində keçiriləcək. Səsvermə saat 11:00-da başlayacaq və 18:00-a qədər davam edəcək.

“Seçicilər identifikasiya və səs sayma aparatlarının necə işləməsi ilə tanış olacaqlar. Seçki məmurları maraqlanan şəxslərə qeydiyyat prosedurunu izah edəcəklər, onlar özləri də sesvermə prosedurları – qeydiyyatçının masasında bülletendə yoxlama dairəsini rəngləmək, gizli səsvermə kabinəsinə bülletendə dairəni rəngləmək, gizliliyin təmin edilməsi məqsədi ilə çərçivə-konvertə bülletenin yerləşdirilməsi, bülletenin səs hesablayan aparata (qutuya) yerləşdirilməsi”, – MSK-nın məlumatında deyilir.

Marneuli miqyasında imitasiya edilmiş seçki məntəqələri aşağıdakı yerlərdə açılacaq:

• Marneuli şəhəri – 5 saylı ictimai məktəb;
• Şaumyan – Şaumyan 3 saylı ictimai məktəbi;
• Algeti kəndi – uşaq bağçası;
• Tsereteli kəndi – ictimai məktəb;
• Kürtlər kəndi – ictimai məktəb;
• Qızılhacılı kəndi – ictimai məktəb;
• Qullar kəndi – ictimai məktəb;
• Şulaveri kəndi – ictimai məktəb.

İmitasiya edilmiş seçki prosesi Kvemo Kartlinin bütün bələdiyyələrində keçiriləcək. Rustavidə 12, Qardabanidə 7, Bolnisidə 23, Dmanisidə 16, Tsalkada 5, Tetritskaroda 5 məntəqə açılacaq.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---