Marneuli bələdiyyəsinin Şaumyan kəndində məcburi köçkünlərin yaşadığı məntəqənin sakinləri Kəndə Dəstək Proqramında iştirak edə bilmirlər.

Fevralın 13-də Şaumyanın mərkəzində keçirilən “toplantıda” öz təşəbbüsü ilə çıxış edən və inzibati vahidə ayrılan 20 min lari çərçivəsində həyata keçiriləcək layihələrin adını çəkən heç bir məcburi köçkün görə bilməzdiniz. Badri Qorqodze Şaumyanda merin nümayəndəsi vəzifəsində çalışır. “Ümumi yığıncağa” gedən zaman ondan Şaumyanın məcburi köçkünlərinin niyə kənd proqramında iştirak etmədiyini soruşduq. Dəqiq səbəbi bilinmir, lakin səbəblərdən biri qəsəbənin kənd statusunun olmamasıdır.


Şaumyanın mərkəzindəki “görüşdən” sonra məcburi köçkünlər məntəqəsinə getdik. Sakinlərin dediyinə görə, uzun müddətdir, heç kim gəlmir. Nə yerli, nə də mərkəzi hökumətdən onlarla maraqlanan yoxdur. Köçkünlərlə bağlı problemlər çoxdur, o cümlədən dağılmış divarlar, yanmış tavanlar, faner döşəmələr, açıq elektrik naqilləri, bərbad vəziyyətdə olan yollar, kiflənmiş divarlar. Onlardan bir çoxu oradan köçməyə məcbur olublar. 2008-ci ilin avqust müharibəsi zamanı Liaxvi dərəsindən qaçqın düşmüş 210 ailədən təxminən 75-i hazırda burada yaşayır. Yerli sakinlər qorxu içində yaşadıqlarını deyirlər.

"Bizə nə deyirlər, nə məlumat verirlər? kimsə gəlir ki? Bizə hər hansı məlumat verirlərmi? Bizi it yerinə sayan varmı? Mən niyə kənd məclisində iştirak etmirəm? Mən də gələ bilərdim, dinləyərdim, məlumat ala bilərdim və əgər ümumi bir iş üzərində iş gedirsə, bundan yaxşı nə ola bilərdi? İnsanlar gedirlər, kirayə pulu verirlər, mən də məcburən çıxıb getməliyəm, bu şəraitdə yaşamaq mümkün deyil”, – məcburi köçkünlərin məntəqəsində yaşayan qadın deyir.

“Belə çıxır ki, burada insanlar yaşamırlar. Bu tərəf sıfırlanıb, o tərəfə yol çəkiblərsə, bu tərəfin adamları adam deyilik? Biz bu buraya gələndə buranı canlandırdıq, nəqliyyat təmin etdik, gürcü məktəbləri açıldı. Burada hər cür problemlər var, bilmirəm, haradan başlayım”, – başqa bir məcburi köçkün bildirir.

Kəndlərə Dəstək Proqramı məcburi köçkünlərin üzləşdiyi problemlərin yeganə həlli olmaya bilər, lakin yerli sakinlər deyirlər ki, bu, onların vəziyyətini yüngülləşdirər və problemlərini yerli hökumətlə bölüşmək üçün alternativ olardı.

Yerli hökumət Kəndə Dəstək Proqramında məcburi köçkünlər məntəqəsinin sakinlərinin narahatçılığının niyə nəzərə alınmadığı və bu vəziyyətin yaxşılaşdırılması üçün hər hansı planın olub-olmaması ilə bağlı suallara cavab almaq üçün rəsmi məktubla müraciət etməyimizi tələb edir. “Marneuli” radiosu fevralın 14-də saat 15:27-də Marneuli meriyasına məktubla müraciət edib.

Cavab alınan kimi material yenilənəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---