2020-ci ilin yanvar-iyun ayları ərzində Gürcüstana benzin və
dizel yanacağının idxalı 497,9 min ton təşkil edib ki, bu da ötən
ilin eyni dövrü ilə müqayisədə (494,3 min ton) 3,6 min ton və ya
0.7% çoxdur.
Bu barədə Neft İxracatçıları Birliyi açıqlama verib.
Onların sözlərinə görə, bu ilin yanvar-iyun aylarında Gürcüstana
benzin yanacağının idxalı 244,1 min ton təşkil edib ki, bu da ötən
ilin müvafiq dövrü ilə müqayisədə 15,6 min ton və ya 6% azdır,
dizel yanacağının idxalı isə keçən il 234,6 min ton təşkil edərkən
cari ilin müvafiq dövründə 253.8 min ton olub ki, bu da 19,2 min
ton və ya 8.2% çoxdur.
“İlin ilk yarısında Covid-19 pandemiyası və bununla
bağlı müxtəlif məhdudiyyətlərə baxmayaraq yanacaq idxalı artdı.
Bütün bunlar, fikrimizcə, karantinin uzun sürməməsi və bir sıra
iqtisadi sahələrin nisbətən erkən açılması ilə əlaqədardır. Yanacaq
idxalının artması əsasən dizel yanacağının artması ilə əlaqədardır.
Bu da öz növbəsində qeydiyyata alınmayan və qaçaqmalçılıq
məhsullarının payının minimuma endirilməsi, habelə hökumətin kənd
təsərrüfatı torpaq mülkiyyətçiləri üçün stimullaşdırma proqramı ilə
əlaqədardır", – Neft İdxalçıları Birliyi
bildirib.
Ölkələr tərəfindən yanacaq idxalına gəlincə, 2020-ci ilin
yanvar-iyun aylarında benzin və dizel yanacağı aşağıdakı ölkələrdən
idxal edilib:
Rusiya – 176.0 min ton. Ümumi idxalın 35.3%-i
Rumıniya – 90.2 min ton (18.1%);
Azərbaycan – 88.8 min ton (17.8%);
Türkmənistan – 50.3 min ton (10.1%);
Bulqaristan – 36.6 min ton (7.4%);
Yunanıstan – 21.4 min ton (4.3%);
Qazaxıstan – 20.3 min ton (4.1%);
Türkiyə – 9.1 min ton (1.8%);
Birləşmiş Ərəb Əmirlikləri – 1.5 min ton (0.3%)
Avstriya – 1.3 min ton (0.3%)
İsveçrə – 1.1 min ton (0.2%)
Sinqapur – 1.0 min ton (0.2%)
Honkonq – 0.2 min ton (0.1%)