Barselonada 25 nəfər Gürcüstan vətəndaşını oğurluq faktı ilə bağlı həbs ediblər
DİN-in
məlumatına görə cari ilin 4 aprel tarixində İspaniyanın Barselona
şəhərində gürcü hüquq mühafizəçilərinin iştirakı ilə aparılan geniş
miqyaslı, “Merin-Taka” adlı xüsusi əməliyyat
keçirilib.
Əməliyyatda 250 nəfər hüquq mühafizəçisi
iştirak edib.
Polisin bəyanatına görə xüsusi əməliyyat nəticəsində müxtəlif
ölkələrdən 100-dən artıq vətəndaş həbs olunub. Onların 25 nəfəri
Gürcüstan vətəndaşıdır. Onlar yaşayış evlərinin qarət edilməsi və
təşkilati qrup üzvlüyündə ittiham olunurlar.
Bundan əlavə inzibati qayda ilə immiqrasiya qaydalarını pozduğuna
görə 41 nəfər Gürcüstan vətəndaşı saxlanılıb.
“Xüsusi əməliyyat Barselonada yerləşən keçmiş məktəb
binalarından birində keçirilib. Onun bir hissəsini criminal qrup
üzvləri qanunsuz zəbt edibmiş. Qeyd olunan tədbirlərlə yanaşı
hakimin hökmü əsasında eləcə də həmin binada qanunsuz yerləşmiş
bütün başqa şəxslərin çıxarılması proseis həyata keçirilib.
Hakimin hökmü əsasında hüquq mühafizəçiləri saxlanılanların evində
axtarış aparıblar və nəticəsə sübut olaraq cinayət yolu ilə əldə
olunmuş oğurluq əşyalar və böyük miqdarda pul aşkar ediblər.
İstintaqla müəyyən edilib ki, criminal qrup üzvləri mənzilləri
əvvəlcədən seçirmişlər, seçilən obyekt haqqında axtarıb məlumatları
əldə edirlərmiş və daha sonra təşkil edilmiş şəkildə oğurluq
faktını həyata keçirirlərmiş” – DİN-dən
bildiriblər.
Saxlanılan 25 nəfər Gürcüstan vətəndaşı İspaniyanın CM-nin 237-ci,
570-ci maddələri ilə nəzərdə tutulmuş cinayətlərdə ittiham
olunurlar. Maddələr İspaniya Krallığı ərazisində törədilmiş mənzil
oğurluğu və criminal-cinayətkar qrupa üzvlüyü nəzərdə tutur.
“Qeyd edilməlidir ki, cinayətin aşkarlanması, yuxarıda
qeyd olunan təşkilati qrup üzvlüyünün, eləcə də onların
əlaqələrinin müəyyən edilməsi və əməliyyatın planlaşdırılması
məqsədi ilə Barselonada aparılan geniş miqyaslı xüsusi əməliyyat
İspaniya və Gürcüstanda, İspaniya Krallığının Milli polisi və
Gürcüstanın DİN-nin Mərkəzi Kriminal Polis Departamentinin apardığı
bir illik operativ-istintaq işləri nəticəsində həyata
keçirilib.
Xatırladaq ki, DİN-in əsas üstünlüklərindən biri beynəlxalq şəkildə
təşkil edilmiş cinayətlərlə mübarizədir” – DİN-dən
bildiriblər.