Վերջին մի քանի տարիների ընթացքում պետական ծառայությունների արժեքը շարունակաբար աճում է։

Օրինակ՝ եթե 2022 թվականին Վրաստանի քաղաքացու համար պարտադիր փաստաթուղթ հանդիսացող անձնագրային քարտը (ID քարտ) արժեր 30 լարի, ապա այսօր՝ 2026 թվականին, դրա արժեքը կազմում է 60 լարի։

Թանկացել է նաև կենսաչափական անձնագիրը։

Թանկացել է գույքի գրանցումը։

Թանկացել է գույքի հիպոթեքով հանձնել, գրավ դնել։

Թանկացել է բիզնեսի գրանցումը։

Թանկացել է ավտոմեքենայի գրանցումը։

Ձեզ ներկայացնում ենք տարբեր պետական ծառայությունների արժեքները, որոնք վերջին տարիներին կամ կրկնապատկվել են, կամ թանկացել են 20–30 տոկոսով։

Անձին վերաբերող ծառայությունների վճարները կրկնապատկվել են

Անձնագրային քարտի ստացումը դիմումից հետո 10 աշխատանքային օրվա ընթացքում արժեր 30 լարի։ 2025 թվականին գինը կրկնապատկվել է և այժմ կազմում է 60 լարի։

Եթե ցանկանում եք անձնագրային քարտը ստանալ արագացված կարգով, գները հետևյալն են  ՝ 

5-րդ աշխատանքային օրը – 80 լարի

3-րդ աշխատանքային օրը – 100 լարի

2-րդ աշխատանքային օրը – 120 լարի

նույն օրը – 150 լարի

Մեծահասակ անձի համար կենսաչափական անձնագրի արժեքը բարձրացել է 100 լարիից մինչև 150 լարի։

Սա այն դեպքում, երբ փաստաթուղթը ստացվում է 10-րդ աշխատանքային օրում։ Արտադրության ժամկետի արագացման դեպքում ծառայության արժեքը հետևյալն է ՝ 

5-րդ աշխատանքային օրը – 180 լարի

3-րդ աշխատանքային օրը – 225 լարի

24 ժամում – 300 լարի

նույն օրը – 350 լարի

Թանկացել է նաև ամուսնության վկայականը։

Արդարադատության տանը ամուսնության գրանցումը անվճար է, սակայն հատուկ արարողակարգային ծառայությունների արժեքը բարձրացել է։

Արդարադատության տան մասնաճյուղում հատուկ արարողակարգային ծառայությամբ ամուսնության գրանցման արժեքը բարձրացել է 50 լարիից մինչև 75 լարի։

Ամուսնության տանը հատուկ արարողակարգային ծառայությամբ ամուսնության գրանցումը աշխատանքային օրերին արժե 135 լարի, իսկ նույն ծառայությունը հանգստյան օրերին՝ 225 լարի։ Շենքից դուրս ամուսնության գրանցումը արժե 255 լարի, իսկ քրեակատարողական հիմնարկում (տեղում) ամուսնության արարողության անցկացումը նույնպես արժե 255 լարի։

Բարձրացել է նաև ամուսնալուծության արժեքը։

Ամուսնալուծության գրանցման և վկայականի տրամադրման ծառայության արժեքը նախկինում կազմում էր 45 լարի, այժմ այն կազմում է 60 լարի։

Թանկացել է գույքի հիպոթեքով հանձնումը,  գրավ դնել

2022 թվականին հիպոթեքի վկայականի տրամադրումը, դրա մեջ փոփոխության կատարումը կամ ցանկացած իրավական բնույթի նշման գրանցումը 3 աշխատանքային օրվա ընթացքում արժեր 75 լարի։

2026 թվականի տվյալներով՝

4 աշխատանքային օրվա ընթացքում հիպոթեքի գրանցումը արժե 150 լարի

1 աշխատանքային օրվա ընթացքում – 270 լարի

նույն օրը – 350 լարի

Այն դեպքում, երբ լիազորված անձի կողմից իրականացվում է գրանցման ներկայացված գործարքի կողմերի ստորագրությունների հաստատում, լրացուցիչ վճարվում է ստորագրության վավերացման վճար՝ 7 լարի։