Մառնեուլիի «Ջեո Հոսպիտալ» կլինիայում այսօր ՝ ապրիլի 6-ին ևս մի
կորոնավիրուսի դեպք է հաստատվել։ Ինչ վերաբերում է վարակվածի ունեցած
կոնտաքտներին , այս թեմայով Մառնեուլիի քաղաքապետ Զաուր Դարգալին
խոսել է «Մաեստրո» հեռուստաընկերության եթերում և ասել, որ այս պահին
ընթանում է կոնտակտների հաստատում։
«Այս պահին արդեն հաստատվել է 25 կոնտակտ և այժմ խիստ
ինքնամեկուսացման մեջ են։ Այս գործընթացը ակտիվորեն շարունակվում է։
Կինը սերտ կապեր է ունեցել Ադրբեջանի հետ, վերջին անգամ վերադարձել է
մարտի 13-ին»,- ասել է Զաուր Դարգալին։
Զաուր Դարգալիի տեղեկատվությամբ, կինը, ում մոտ կորոնավիրուս է
հաստատվել մոտավորապես 10 օր եղել է ինքնամեկուսացման մեջ և
լայնամաշտաբ շփում չի ունեցել։ Քաղաքապետը նշել է , որ Մառնեուլիում
սկսվում է ջերմաչափման երկրորդ փուլը։
Հատկանշական է, որ «Ռադիո Մառնեուլին» բազմիցս փորձել է կապվել Զաուր
Դարգալիի հետ, վարակված կնոջ մասին ավելին իմանալու համար, բայց
Դարգալին չի պատասխանել, ինչի պատճառով էլ «Ռադիո Մառնեուլին»
«Մաեստրո» հեռուստաընկերության եթերից է վերացրել նրա
մեկնաբանությունը։
«Ռադիո Մառնեուլի» հետ զրույցում «Ջեո Հոսպիտալ» կլինիկայի տնօրեն
Տատա Շենգելիան ասել է,որ ապրիլի 4-5-ը կլինիկա է տեղափոխվել վեց
պացիենտ, կորոնավիրուսի ախտանիշներով։ Թեստի պատասխանները հայտնի են
դարձել այսօր ՝ ապրիլի 6-ին։
Մառնեուլիի և Բոլնիսի համայնքները մարտի 23-ին անցել են խիստ
կարանտինային ռեժիմի։ Այս մասին հայտարարել է երկրի վարչապետ Գիորգի
Գախարիան։
Մարտի 31-ից երկրում գործում է պարետային ժամ։ Երեկոյան ժամը 21։00-ից
մինչև առավոտյան 06։00-ն արգեկված է քաղաքացիների տեղաշարժը։
06/04/2020
«Ռադիո Մառնեուլի»
Թարգմ․ ՝ Մարգարիտա Միսկարյան