Մառնեուլիի մունիցիպալիտետի մանկապարտեզների միությունը  Մառնեուլիի մանկապարտեզների համար կգնի 58 811 հավկիթ՝ 27,877 լարիով: Մրցութային փաստաթղթերի համաձայն՝ 1 հավկիթի գնումը մունիցիպալիտետին կարժենա 0.47 թեթրի: Ապրանքը պետք է լինի առաջին որակի, առանց հոտի և բծերի: Այն պետք է նաև փաթեթավորված լինի ստվարաթղթե տարաների  կամ միանգամյա օգտագործման տարաների մեջ:

«Հավկիթ՝  թարմ, ամբողջական, մաքուր, պինդ, հարթ, առանց ճաքերի,

նշագրված, I կատեգորիա։ Մեկ հատի քաշը՝ ոչ պակաս, քան 50 գ։ Առանց հոտի և բծերի։ Գույնը՝ սպիտակ կամ շագանակագույն, բնորոշ որոշակի նմուշի։ Փաթեթավորված է ստվարաթղթե ափսեների և/կամ միանգամյա օգտագործման տարաների մեջ՝ ըստ գնորդի պահանջի/կարիքի, համապատասխան նշագրմամբ։ Մատակարարված ապրանքների մնացորդային պահպանման ժամկետը պետք է լինի ոչ պակաս, քան ընդհանուր պահպանման ժամկետի 70%-ը։ - 58,811 հատ»,- կարդում ենք մրցութային փաստաթղթերում։

Մառնեուլիի մանկապարտեզների միությունը  նախատեսել էր պատվիրել ապրանքը 30,876 լարիով։ Դրան մասնակցել է միակ առաջարկողը՝ Գիորգի Գիորգաձեն, ով առաջարկել է գնորդին մատակարարել հավի ձու 27,877 լարիով։ Այս փուլում մրցույթը պայմանագրի պատրաստման փուլում է։

Մառնեուլիի մունիցիպալիտետի մանկապարտեզների միությունը  հայտարարել է սննդամթերքի գնման ընդհանուր 13 մրցույթ։ Մառնեուլիի մանկապարտեզների համար սննդամթերքի գնման համար տեղական ինքնակառավարման մարմինը հատկացրել է 1,100,000 լարի: Հաղթող ընկերությունները 2026 թվականի հունվարից մինչև հուլիսի 31-ը մանկապարտեզներին աստիճանաբար կմատակարարեն ապրանքներ:



"Ռադիո  Մառնեուլի"