Մառնեուլի մունիցիպալիտետում նախատեսվում է տեղեկատվական արշավ՝ երիտասարդական քաղաքականության վերաբերյալ իրազեկվածության բարձրացման նպատակով։ Արշավի շրջանակում, Մառնեուլի մունիցիպալիտետի քաղաքապետարանի հիման վրա գործող Երիտասարդական խորհրդի անդամների ներգրավմամբ, ընթացիկ ամսից տեղեկատվական հանդիպումներ կանցկացվեն մունիցիպալիտետի բոլոր տասնութ վարչական միավորների հանրային դպրոցներում (ընդհանուր՝ 75 դպրոց)։

Ֆինանսական միջոցների հատկացման հարցով Մառնեուլի մունիցիպալիտետի քաղաքապետ Դաուր Իսմայիլովին դիմել է առողջապահության, սոցիալական ապահովության, մշակույթի, սպորտի, երեխաների իրավունքների պաշտպանության և աջակցության ծառայության ղեկավարի պարտականությունները կատարող Դավիթ Արոշիձեն։

«Տեղեկացնում եմ, որ երիտասարդական քաղաքականության վերաբերյալ իրազեկվածության բարձրացման և տվյալ ուղղության ամրապնդման նպատակով, Մառնեուլի մունիցիպալիտետի քաղաքապետարանի հիման վրա գործող Երիտասարդական խորհրդի անդամների անմիջական ներգրավմամբ, ընթացիկ ամսից նախատեսվում է տեղեկատվական հանդիպումների անցկացում Մառնեուլի մունիցիպալիտետի բոլոր տասնութ վարչական միավորների հանրային դպրոցներում (ընդհանուր՝ 75 դպրոց)»։

Գրասենյակային պարագաները քաղաքապետարանը պարզեցված կարգով ձեռք է բերել անհատ ձեռնարկատեր Աքրեմ Ղահրամանովից։

• Տեղեկատվական բրոշյուր – 700 հատ (210 լարի)
• Բրենդավորված գրիչ – 300 հատ (450 լարի)
• Բրենդավորված նոթատետր (A5 ձևաչափ) – 300 հատ (1 200 լարի)
• Բրենդավորված սթիքեր (ինքնակպչուն, փայլուն թուղթ, 8×5 սմ) – 50 հատ (10 լարի)

Բացի այդ, տեղեկատվական արշավի շրջանակում նախատեսվում է նաև բրենդավորված շապիկների օգտագործում։ Տվյալ արտադրանքը պարզեցված կարգով, երկրորդ տենդերի շրջանակում, ձեռք է բերվել «BHS» ՍՊԸ-ից։ Ընդհանուր առմամբ գնվել է 50 բրենդավորված շապիկ, մեկ միավորի արժեքը՝ 14.5 լարի, իսկ ընդհանուր գումարը՝ 725 լարի։

Գնված նյութերի ընդհանուր արժեքը կազմում է 2 595 լարի։