Մառնեուլիի մունիցիպալիտետի սակրեբուլոյի  աշխատակազմի հայտարարության համաձայն ՝ մարտի 12-ին, տեղի կունենա ավագանու նիստ։

Նիստում քննարկման կդրվի 5 հարց։

Քննարկվող հարցերի թվում են՝ 2026 թվականին «Գյուղի աջակցության ծրագրի» շրջանակում ընտրված նախագծերի հաստատումը, ինչպես նաև սակրեբուլոյում  և քաղաքապետարանում աշխատանքային պայմանագրով աշխատող անձանց թվի և նրանց պաշտոնական աշխատավարձերի սահմանումը։

Ստորև ներկայացնում ենք օրակարգում ընդգրկված հարցերի ցանկը ՝ 

Մառնեուլիի մունիցիպալիտետում 2026 թվականին «Գյուղի աջակցության ծրագրով» ընտրված ենթակառուցվածքային նախագծերի հաստատման մասին։
/Խոսնակ ՝ Ադիլ Ալիև, Մամուկա Շուբիթիձե/

«Մառնեուլիի մունիցիպալիտետի քաղաքապետարանում աշխատանքային պայմանագրով աշխատող անձանց թվի և նրանց պաշտոնական աշխատավարձերի չափի համաձայնեցման մասին» Մառնեուլիի մունիցիպալիտետի ավագանու 2023 թվականի դեկտեմբերի 25-ի №80 որոշման մեջ փոփոխություն կատարելու մասին։
/Խոսնակ՝ Թեոնա Փարջիան, Մամուկա Շուբիթիձե/

«Մառնեուլիի մունիցիպալիտետի ավագանու աշխատակազմում աշխատանքային պայմանագրով աշխատող անձանց թվի և նրանց պաշտոնական աշխատավարձերի չափի սահմանման մասին» Մառնեուլիի մունիցիպալիտետի ավագանու 2025 թվականի դեկտեմբերի 24-ի №63 որոշման մեջ փոփոխություն կատարելու մասին։
/Խոսնակ՝ Թեոնա Փարջիան/

«Մառնեուլիի մունիցիպալիտետի քաղաքապետարանի հաստիքացուցակի հաստատման և քաղաքապետարանի քաղաքական պաշտոնյաների, մասնագիտական հանրային ծառայողների և վարչական պայմանագրով աշխատող անձանց պաշտոնական աշխատավարձերի չափերի սահմանման մասին» Մառնեուլիի մունիցիպալիտետի ավագանու 2024 թվականի մայիսի 28-ի №17 որոշման մեջ փոփոխություն կատարելու մասին։
/Խոսնակ ՝ Թեոնա Փարջիան, Մամուկա Շուբիթիձե/

Մառնեուլիի մունիցիպալիտետի քաղաքապետարանի և Վրաստանի Կարմիր խաչի միջև համագործակցության պայմանագիր կնքելու վերաբերյալ համաձայնություն տալու մասին։
/Խոսնակ՝ Մամուկա Շուբիթիձե/