Մառնեուլի քաղաքի թիվ 1 մանկապարտեզում ուսումնական գործընթացը կվերսկսվի հոկտեմբերին։ Այս մասին մեզ ասաց մանկապարտեզների միության ղեկավար Զաուր Քարամովը։ Նրա պարզաբանմամբ՝ սեպտեմբերի 15-ից Կիզիլաջլո գյուղի մանկապարտեզը չի կարող ուսումը սկսել, որտեղ վերանորոգման աշխատանքները դադարեցվել են։

« Թիվ 1 մանկապարտեզում գույքագրման գնման մրցույթն արդեն անցկացվել է և շուտով կսկսվի աշխատանքային գործընթացը, ուսումնասիրությունը կվերսկսենք հոկտեմբերին, թեև դեռ հստակ թիվը չգիտենք։ Ինչ վերաբերում է Կիզիլաջլոյի մանկապարտեզի բացմանը, ապա այնտեղ վերանորոգման աշխատանքները դադարեցվել են, և հայտնի չէ, թե երբ կվերսկսվի ուսումը։ Թիվ 1 մանկապարտեզում մենք կարող ենք ընդհանուր առմամբ ընդունել 210 երեխայի, Կիզիլաջլո գյուղի մանկապարտեզը նույնպես նախատեսված է 210 երեխայի համար»,- ասել է Քարամովը։

Թիվ 1 մանկապարտեզի կահույքի գնման համար Մառնեուլիի քաղաքապետարանի մանկապարտեզների միությունը 109 717 լարիի մրցույթ է հայտարարել։ Սեպտեմբերի 1-ին երկու լրացուցիչ մրցույթ է հայտարվել։ Միությունը նախատեսում է վճարել 48750 լարի Մառնեուլիի թիվ 1 և Սաիմերլո գյուղի մանկապարտեզների համար գործվածքային իրերի ձեռքբերման, իսկ 39970 լարիով Մառնեուլիի թիվ 1 և Կիզիլաջլո գյուղի մանկապարտեզների համար խոհանոցային սարքավորումներ գնելու։

Մառնեուլիի մունիցիպալիտետում ընդհանուր առմամբ գործում է 14 մանկապարտեզ, որոնցից 2022-2023 ուսումնական տարում ուսումնական գործընթացը կվերսկսեն միայն 11-ը։

«Ռադիո Մառնեուլի»
Թարգմ․ ՝ Մարգարիտա Միսկարյան