Մառնեուլի քաղաքում Ռուսթավելի, Կոստավա, Գամսախուրդիա և այլ փողոցների բնակելի շենքերից խմելու ջուրը հոսում է փողոց։ Սառնամանիքից ջուրը սառչում է և վթարային իրավիճակ է ստեղծում ճանապարհի առանձին հատվածներում։ Վրաստանի միացյալ ջրամատակարարման ընկերության Քվեմո Քարթլիի տարածաշրջանային մասնաճյուղի ղեկավար Կախա Չոգովաձեն հայտարարում է, որ փողոցներում ջրածածկույթը ընկերության մեղքով չէ։ Նրա խոսքով՝ քաղաքացիները խմելու ջուրը չեն անջատում, ինչի պատճառով այն դուրս է հոսում ճանապարհ։

Մառնեուլի, Գամսախուրդիա փողոց

«Երեկ  քայլում էինք  Մառնեուլիի փողոցներով»։  Այս ջուրը դուրս է գալիս շենքերից։ Ջուրը չեն անջատում, և ջրահեռացումներն այնպես են դասավորվել, որ ջուրը հոսում է ուղիղ փողոց։ Քաղաքապետարան դիմեցի, միջամտեցին։ Ոմանք փակում են ջուրը,  ոմանք ոչ: Իրականում նրանց ներքին համակարգերը կոտրված են։ Սրա համար ընկերությունը պատասխանատվություն չի կրում, չի կարող յուրաքանչյուր բնակչի այցելել ու ջարդված «պապլաոկ» կամ «վինտիլ» տեղադրել։ «Ոմանք գիտակից անհատներ են և փոխվել են, բայց մեծ մասը՝ ոչ, ոմանք ասում են, որ չեն կարող դա կարգավորել»: - ասել է Կախա Չոգովաձեն

Ռադիո Մարնեուլիի հետ զրույցում Քվեմո Քարթլիի շրջանային մասնաճյուղի ղեկավարը հայտարարել է, որ բնակչությունը պատրաստ չէ 24-ժամյա ջրամատակարարմանը։ Չոգովաձեն բացատրում է, որ ստեղծված իրավիճակի պատճառով ջրամատակարար ընկերությունը ստիպված է եղել ժամանակավորապես դադարեցնել 24-ժամյա ջրամատակարարումը։

«Մենք ստիպված ենք ջուրը փակել հենց այն պատճառով, որ բնակչությունը չունի ներքին, մասնավոր համակարգեր։ «Դրա համար մենք պետք է փակենք»։ - ասում է Կախա Չոգովաձեն

Վրաստանի միացյալ ջրամատակարարման ընկերության Քվեմո Քարթլիի տարածաշրջանային մասնաճյուղի ղեկավարը քաղաքացիներին կոչ է անում պահպանել ներքին, մասնավոր համակարգերը՝ խմելու ջուրն առանց խնդիրների ապահովելու համար։

Հատկանշական է, որ Մառնեուլի քաղաքի բնակչության մեծ մասն օգտագործում է խմելու ջրի բակեր, քանի որ ջուրը Մառնեուլին մատակարարվել է գրաֆիկով։ Մառնեուլի քաղաքում բակերի խնդիր կա տարիներ շարունակ, սակայն իրավիճակը սրվել է Մառնեուլիում շուրջօրյա ջրամատակարարման համակարգի ներդրումից հետո։ Որոշ մասնավոր բակերում  տեղադրված չէ փակման համակարգ, և 24-ժամյա ջրամատակարարման պատճառով բակերը լցվում են, ջուրը լցվում է, և քաղաքացիները չեն կարողանում փակել այն։

Մառնեուլիում և նրա գյուղերում ջրամատակարարման և կոյուղու ծրագիրը սկսվել է 2019թ։  Ծրագրի շրջանակներում փորվել են ճանապարհներ, արժեզրկվել են ենթակառուցվածքները, վնասվել են հասարակական տրանսպորտն ու մասնավոր մեքենաները։ Սկզբում ադրբեջանական «Աքելիք Գրուպ» ընկերությունը նախագիծը պետք է ավարտեր մինչև 2021 թվականի մարտը, սակայն չկարողացավ կատարել իր պարտավորությունները, ինչի պատճառով 55 միլիոն 940 հազար 22 դոլար արժողությամբ նախագիծը կասեցվեց։

Ջրամատակարար ընկերությունը նոր պայմանագիր է կնքել թուրքական եւ չինական ընկերությունների հետ։ Աշխատանքներն իրականացնում են «China Geo - Engineering Corporation» (CGC) եւ «POLAT Yol Yapi Sanayi ve Ticaret Anonim Sirkei» ընկերությունները։

Ասիական զարգացման բանկի աջակցությամբ նախագիծը կարժենա ավելի քան 135 մլն լարի։ Դրա շրջանակներում կառուցվում են ջրամատակարարման նոր ցանց, պոմպակայան, ջրամբարներ, կոյուղու նոր ցանց, ժամանակակից չափանիշներին համապատասխան մաքրման կայան։

Ծրագրի ավարտից հետո Մառնեուլիի բնակչությանը պետք է ապահովվի շուրջօրյա ջրամատակարարմամբ և կոյուղու նոր ենթակառուցվածքով։


"Ռադիո  Մառնեուլի"

Թարգմ․  ՝  Մարգարիտա  Միսկարյան