Մառնեուլի քաղաքի մեծամասնական պատգամավոր Վասիլ Խախուլաշվիլին "Ռադիո Մառնեուլի"-ին տված հարցազրույցում հայտարարել է, որ մի քանի օրից կսկսվեն Ալգեթի գետի հունի մաքրման աշխատանքները։

Մառնեուլիի մունիցիպալիտետով հոսող Ալգեթի գետի ափը՝ Մառնեուլիի շուկայի հարևանությամբ, աղտոտված է։ Լողափին կնկատեք պլաստիկ, ցելոֆան, ապակե և պլաստմասսե շշեր, օգտագործված տակդիրներ, կենդանիների մնացորդներ, քիմիական և կենսաբանական թափոններ և այլ կենցաղային և շինարարական աղբ։ Ռադիո «Մառնեուլին» վերը նշվածի մասին տեղեկություն է տարածել մարտի 5-ին, այդ ժամանակ Մառնեուլիի քաղաքապետարանից մեզ հայտնել են, որ գետի հունի մաքրումը իրենց իրավասության մեջ չէ։

Այսօր՝ մարտի 19-ին, «Ռադիո Մարնեուլի»-ին տված հարցազրույցում Մառնեուլի քաղաքի մեծամասնական պատգամավոր  Վասիլ Խախուլաշվիլին հայտարարել է, որ 2025 թվականի բյուջեի քննարկման գործընթացում Ալգեթի գետի հունի մաքրման վերաբերյալ առաջարկ է արել, և որ մոտ ապագայում գետի հունը կմաքրվի։

«Ալգեթի գետի հունը երբեք չի մաքրվել, գետն այլեւս այն տանելու հնարավորություն չունի, և դա իմ նախաձեռնությունն է եղել, ես այդ հարցը բարձրացրել եմ բյուջեի առաջին քննարկման ժամանակ, այն հաստատվել է, և նախատեսվում է մաքրել Ալգեթի գետի հունը, աշխատանքները կսկսվեն մի քանի օրից։ - ասել է Վասիլ Խախուլաշվիլին

Խախուլաշվիլիի խոսքով՝ Ալգեթի գետի հունը կմաքրվի Մառնեուլիի կենտրոնական հրապարակից մինչև Մառնեուլի շուկայի հարակից տարածքը։

Ռադիո «Մառնեուլի»
Թարգմ․ ՝  Մարգարիտա Միսկարյան