ՆԳՆ հայտարարության համաձայն՝ Մառնեուլիում հրազենային վնասվածքի դեպքի կապակցությամբ ձերբակալվել է 2 անձ:

Դեպքը տեղի է ունեցել երեկ՝ հունիսի 4-ին, Մարնեուլիի կենտրոնական հրապարակում:

«ՆԳՆ Քվեմո Քարթլիի ոստիկանության դեպարտամենտի Մառնեուլիի շրջանային բաժնի աշխատակիցների կողմից իրականացված թեժ հետապնդման և քննչական գործողությունների արդյունքում Մառնեուլիում դանակահարության դեպքի կապակցությամբ ձերբակալվել է 2 անձ՝ 2003 թվականին ծնված Է.Մ.-ն և 2005 թվականին ծնված Ռ.Գ.-ն»: - նշվում է ՆԳՆ հայտարարության մեջ:

Ըստ ՆԳՆ-ի՝ 2003 թվականին ծնված Է.Մ.-ն մեղադրվում է դիտավորյալ ծանր մարմնական վնասվածք հասցնելու և հրազենի ապօրինի ձեռքբերման, պահպանման և կրելու մեջ, իսկ Ռ.Գ.-ն կալանավորված է հրազենի ապօրինի ձեռքբերման, պահպանման և կրելու մեղադրանքով:

«Քննությունը պարզել է, որ այս տարվա հունիսի 4-ին Մառնեուլիում, անցյալում ծագած կոնֆլիկտի շուրջ ծագած վեճի ժամանակ, Է.Մ.-ն հրազենով կրակել է 1998 թվականին ծնված Վ.Գ.-ի վրա, ապա փորձել է փախչել Ռ.Գ.-ի հետ, սակայն երկուսն էլ ձերբակալվել են ոստիկանության կողմից որպես կասկածյալներ։ Վիրավորը հոսպիտալացվել է, որտեղ նա ստանում է համապատասխան բժշկական օգնություն»։ - նշվում է ՆԳՆ հայտարարության մեջ։

Դեպքի վերաբերյալ հետաքննությունը շարունակվում է Քրեական օրենսգրքի 117-րդ և 236-րդ հոդվածներով։ Հանցագործությունները պատժվում են մինչև 7 տարի ազատազրկմամբ։


"Ռադիո  Մառնեուլի"
Թարգմ․  ՝  Մարգարիտա Միսկարյան