Tbilisi meriyası metro stansiyalarının dizaynını yeniləməyi
planlaşdırır.
Bu haqda paytaxtın hökumət iclasında Kaxa Kaladze bildirib.
Merin sözlərinə görə, bu istiqamətdə bütün lazımi araşdırmalar
aparılıb və indi dizayn istiqamətində çalışan şirkətləri işə
qoşulmağa çağırıb:
“Dizayna qədər müəyyən araşdırmalar lazım idi və bu araşdırmalar
artıq aparılıb. Məsələn, bu qədər vaxt ərzində “Varketili” metro
stansiyasını yeniləyə bilməmişik. Bu bizim üçün utancdır, ancaq
burada müəyyən problemlər var idi. Çünki Gürcüstanda tam araşdırma
aparacaq şirkət tapılmırdı və daha sonra iki il əvvəl orada baş
vermiş problemin necə həll olunması ilə bağlı sənəd hazırlandı.
Bu gün artıq bütün sənədlərimiz var. Sonrakı mərhələ vizual görünüş
və dizayndır. İstəyirəm müvafiq strukturlardan, müvafiq
şirkətlərdən xahiş edim, mövcud sənədləri təqdim etsinlər ki, bizim
metro stansiyaları da yaxşılardan biri olsun. Sonra isə layihənin
həyata keçirilməsi istiqamətində sürətlə çalışmağa başlayacağıq”, –
paytaxt meri bildirib.