Fövqəladə Halların İdarəolunması Xidmətinə 2 iyun tarixində
Marneulidən təxminən 100 zəng daxil olub.
Yağlıca yüksəkliklərindən axan güclü sel Marneulinin Vaja Pşavela,
Ağmaşenebeli, Yağlıca, Sulxan Saba, Leselidze və Kobuleti
küçələrinin sakinlərinin evlərini və zirzəmilərini basıb.
Fövqəladə Halların İdarəolunması Xidmətinin nümayəndələri zərər
dəyən bütün ərazilərdə olublar və yardım göstəriblər. Marneuli
Fövqəladə Halların İdarəolunması Xidmətinin director müavini Davit
Qelaşvili bizimlə söhbətində bildirdi ki, evakuasiya işlərində 10
yanğınsöndürən briqadası və 40-dək yanğınsöndürən çalışırdı.
“Marneulidə Kabuleti küçəsində güclü su basma var idi.
Evakuasiya işlərində Fövqəladə Halların İdarəolunması Xidmətinin 10
yanğınsöndürən briqadası iştirak edirdi. Burada həm Tiflisin, həm
də ətraf rayonların yanğınsöndürən briqadaları nəzərdə tutulur.
Evakuasiya işlərində təxminən 40 yanğınsöndürən iştirak edirdik.
Təxminən 100 zəng daxil olub. Marneulidə və ətraf kəndlərdə 60-a
qədər yaşayış evini su basıb. Bu həm fərdi yaşayış evləri, həm də
ümumi yaşayış binasıdır” – deyə Davit Qelaşvili
bildirdi.
Qelaşvili bizimlə söhbətində bildirdi ki, təbii fəlakət nəticəsində
insan tələfatı olmayıb, lakin ilk höncə təhlükə zonasından 50 nəfər
çıxarılmalı olub. Onlar artıq evlərinə qayıdıb. O, deyir ki,
hazırda axtarış işləri başa çatıb, evlərdən nasosla suyun çəkilməsi
isə davam edir və tezliklə başa çatacaq.