Bu gün Marneulidə çox sayda gözəllik salonları fəaliyyət göstərir.
Salonların fəaliyyətinə qoyulan qadağadan sonra salon sahibləri
hansı çətinliklərlə qarşılaşıblar deyə Marneulidə yerləşən
salonlardan birinin rəhbəri ilə əlaqə saxladıq.
“Sabina salon”-unun rəhbəri Səbinə Bayramova “Marneuli” radiosu ilə
söhbəti zamanı bildirdi ki, artıq 12 ildir salon işlədir. Bayramova
deyir ki, koronavirus onların da işlərinə kifayət qədər mane olub
və salonun işçilərinin işsiz qalmasına, müştərilərin narazılığına
səbəb olub.
Səbinə Bayramova Gözəllik Salonları Federasiyasının prezidenti
Tamar Şaraşenidzenin ustaların 5 kv.m-lik sahədə yalnız bir müştəri
qəbul etmələri və eləcə də 2 m məsafə saxlayaraq şüşə gözlükdən
istifadə edilməsi fikri ilə razılaşmır.
“Müştərinin girişdə yoxlanılması kifayət edir. Məsafə,
5kv.m-lik otağa yalnız bir müştəri, şüşə gözlükdən istifadə – məncə
bunlara ehtiyac yoxdur”.
O, deyir ki, işlərini gördükləri zaman şüşə gözlükdən istifadə
etmək elə də asan olmayacaq və iş prosessində işçi və müştəri
arasında maneə yaradacaq.
Bayramova salonlara daxil olmaq üçün öncədən yazılma qaydasının
tətbiq edilməsini müsbət dəyərləndirir. O, daha əvvəl də
müştərilərini əvvəlcədən növbəyə yazılma yolu ilə qəbul etdiyini və
əsasən bu iş prinsipi ilə çalışdıqlarını bildirdi.
18 may tarixində salonların açılacağı xəbərini eşitdikdən sonra
salona gəlmək üçün onlara müraciət edən müştərilərin olub-olmaması
ilə maraqlandıq. Səbinə Bayramova bu müddət ərzində eləcə də
salonların açılacağı xəbərindən sonra çox sayda müraciət edənlərin
və növbəyə yazılanların olduğunu dedi.
Gürcüstanın baş naziri Qiorqi Qaxarianın bəyanatına görə, 18 may
tarixindən etibarən ölkədə bütün gözəllik salonlarının fəaliyyəti
müəyyən qaydalar əsasında bərpa olacaq.
Ötən gün Səhiyyə Nazirliyinin Əmək Şəraitinin Yoxlanılması
Departamentinin rəhbəri Beka Peradze bu haqda məlumat verib və
bildirib ki,
“İnsanların kütləvi toplaşmasının baş
verməməsi üçün əvvəlcədən yazılmaq lazımdır. Girişdə dezo-baryer
olmalıdır. 20 nəfərdən artıq işçisi olan salonlarda termoskrininq
keçirilməlidir. Qeydiyyat bölməsində, kassanın qarşısında müvəqqəti
şəffaf baryer düzəldilməlidir. İki metrlik məsafəyə riayət olunması
mümkün olmadığı halda müvəqqəti şəffaf baryer quraşdırılmalıdır ki,
bütün bunlar virusun yayılması riskini minimum endirəcək”,