Bu səhər əldə olunan laboratoriya analizlərinin nəticələrinə görə
Bolnisinin Muşevani (Dəllər) kəndində yaşayan 4 şəxsdə koronavirus
aşkarlanıb.
Virus aşkarlanan şəxslərdən 3 nəfərinin analiz nümunələrini
epidemioloqlar dünən götürüblər, bir nəfər isə yoluxmuş yaxınları
ilə birlikdə xəstəxanaya aparılmışdı və analiz nümunəsini elə
yerində götürmüşdülər.
Müvafiq olaraq onların yoluxma mənbəyi məlumdur və bu vaxta kimi
yoluxan insanlarla təmasda olan şəxslərdir.
Analiz üçün laboratoriyaya 97 nəfərin testi göndərilib, o cümlədən,
88 bioloji nümunə Muşevani kəndindən götürülüb, 9-u isə Bolnisi
şəhərindən.
Bu günə olan son məlumata görə, Muşevani kəndindən indiyə kimi 54
şəxsdə yoluxma faktı qeydə alınıb. Bu məntəqədə aprelin 25-dən bu
günə kimi sərt karantin rejimi hökm sürür.
Bolnisidə koronavirusa 160 yoluxma faktı var ki, onlardan da 66
nəfər sağalıb, 3 nəfər isə vəfat edib.