Koronavirusa yoluxmuş 26-cı xəstə həyatını itirib. NCDC direktoru
Amiran Qamkrelidze bu barədə jurnalistlərə açıqlamasında bildirib.
"Bizdə ölüm göstəricisi 0.57%-dir, bu səhər 25 idi,
təəssüf ki, Batumidə bir nəfərin də ölməsi bu sayı artırdı. Cəmi 26
nəfər xəstə həyatını itirib. Son 48 saatda isə 5 xəstə dünyasını
dəyişib, hamısı süni ventilyasiyada olan ən ağır xəstələr
idi,”– deyə Qamkrelidze qeyd edib.
Onun dediyinə görə, xəstə 70 yaşında idi və virusla yanaşı xroniki
xəstəlikləri var idi.
Amiran Qamkrelidzenin sözlərinə əsasən, bu gün Gürcüstanda
vəziyyəti ağır olan 70-ə yaxın koronavirusa yoluxmuş xəstə var -
"ümumilikdə ölkədə 11 kritik xəstə var."
24 sentyabr tarixinə olan məlumata görə, Gürcüstanda 259 yeni
koronavirusa yoluxma hadisəsi aşkar olunub və təsdiqlənmiş
infeksiya sayı isə 4399-a yüksəlib. Rəsmi məlumata görə,
sağalanların sayı 1705-ə yüksəldi, 26 xəstə isə dünyasını
dəyişib.