“Noyabrın 29-da Dövlət Müfəttişliyinin İstintaq İdarəsi
Tbilisi Şəhər Məhkəməsinin inzibati binası yaxınlığında Daxili
İşlər Nazirliyinin bəzi əməkdaşlarının vəzifə səlahiyyətlərindən
sui-istifadə etmələri ilə bağlı araşdırmalara
başlayıb”, - Dövlət Müfəttişliyi İdarəsi xəbər verir.
Onların sözlərinə görə, hazırda adı çəkilən iş üzrə müvafiq
istintaq hərəkətləri aparılır: hadisə yerinə baxış keçirilməsi,
iştirak edən şəxslərin dindirilməsi və s.
“Dövlət Müfəttişliyinin İstintaq İdarəsi 29 noyabr
2021-ci il tarixində Tbilisi Şəhər Məhkəməsi qarşısında keçirilən
etiraz aksiyası zamanı Daxili İşlər Nazirliyinin bəzi
əməkdaşlarının vəzifə səlahiyyətlərindən sui-istifadə etmələri ilə
bağlı Gürcüstanın Cinayət Məcəlləsi 33-cü maddə 3-cü hissənin “b”
yarımbəndində nəzərdə tutulmuş cinayət əlamətləri ilə bağlı
araşdırmalara başlayıb.
Cinayət işi üzrə intensiv istintaq hərəkətləri aparılır: hadisə
yerinə və ətraf əraziyə baxış keçirilib; İşdə iştirak edən
şəxslərlə, o cümlədən etirazçılarla müsahibələr; Müxtəlif dövlət
qurumlarından araşdırma üçün maraq doğuran məlumat və sənədlər
tələb olunub; İstintaq məqsədi ilə teleşirkətlərdən mühüm video
çəkilişlərin tələb edilməsi ilə bağlı məhkəməyə vəsatət
verilib.
Dövlət Müfəttişliyi istintaqın səmərəli aparılmasını təmin etmək
üçün bütün zəruri istintaq və prosessual hərəkətləri həyata
keçirəcək”, - məlumatda deyilir.