Levan Xarabadze Şida Kartlinin qubernatoru təyin edilib.
Gürcüstan hökumətinin məlumatına görə, baş nazir İrakli Kobaxidze
bu gün, martın 20-də hökumət administrasiyasında Xarabadze ilə
görüşüb.
"Yeni qubernator ixtisasca hüquqşünasdır. O, indiyədək
Daxili İşlər Nazirliyinin Quriya Polis İdarəsinin direktoru
vəzifəsində çalışıb, uzun illər rəhbər vəzifələrdə iş təcrübəsi
var". - hökumətin bəyanatında deyilir.
Şida Kartlinin keçmiş qubernatoru Mixeil Şakulaşvili martın 7-də
istefa verib.
Mixeil Şakulaşvili 2022-ci ildə İrakli Qaribaşvili tərəfindən Şida
Kartlinin dövlət müvəkkili təyin edilib. Bundan əvvəl o,
Gürcüstanın Baş Prokurorluğunda müxtəlif vəzifələrdə çalışıb.