Xəstəliklərə Nəzarət Milli Mərkəzinin rəhbəri Amiran Qamkrelidzenin
dediyinə görə, insanlar bilməlidirlər ki, naməlum it dişlədiyi
təqdirdə müvafiq qurumlara müraciət etməlidirlər.
Qamkrelidzenin “İnterPressNews”a verdiyi məlumata görə, insan
yalnız naməlum heyvan tərəfindən dişləndikdə və ya naməlum heyvanın
seliyinə məruz qaldığı zaman peyvənd olunmalıdır. Lakin
Qamkrelidzenin bildirdiyinə görə, quduzluğa qarşı peyvənd
profilaktik məqsəd daşımır.
Onun sözlərinə görə, ev heyvanlarına peyvənd etmək lazımdır və bu
mədəniyyət ölkədə tətbiq olunmalıdır.
"Quduzluq 100% ölümcül olan yeganə xəstəlikdir. İndiyə qədər
bəşəriyyət bu xəstəlik əleyhinə dərman tapa bilməyib. İnsanda
quduzluq inkişaf edərsə, təəssüf ki, ona heç bir şey kömək edə
bilməz. Buna görə də bəşəriyyət və tibb tarixindəki ən böyük
kəşflərdən biri quduzluğa qarşı peyvəndin yaradılmasıdır. Bu il
insanlarda quduzluq hadisəsi baş verməyib, ancaq şəhərdə,
köpəklərdə quduzluğun ortaya çıxması pis bir əlamətdir. Sahibsiz
itlərlə bağlı dəfələrlə çağırışlar etmişəm və hətta yerli
bələdiyyənin müvafiq xidmətlərinə müraciət etmişəm. Ayrıca, Kənd
Təsərrüfatı Nazirliyi araşdırmalar və peyvəndləri
sürətləndirməlidir. İnsanlar bilməlidir ki, naməlum bir it
dişlədiyi təqdirdə müvafiq orqanlara müraciət etməlidirlər.
Peyvəndlərin əksəriyyəti adətən sahibi olan itlərə vurulur. Ev
heyvanlarının peyvənd olunması mütləq vacibdir və bu mədəniyyət
ölkədə tətbiq olunmalıdır", – deyə Qamkrelidze
bildirib.
Onun sözlərinə görə, quduzluq peyvəndi daha çox effektivlik üçün
əvvəlcədən vurulacaq peyvənd deyil.