13 yanvar tarixində Əmək Müfəttişliyi Tbilisidə gecə klublarından
birində qapalı qonaqlıq verdiyinə görə, bir vətəndaşı 2000 lari
məbləğində cərimələyib.
Əmək Müfəttişliyindən verilən məlumata görə, onlar operativ
məlumatlar əsasında Axmeteli küçəsindəki gecə klubuna gəliblər.
“Bu ərazidə yerləşən əyləncə müəssisəsində onlarla
insanın iştirak etdiyi qapalı bir əyləncə tədbiri təşkil
edildi.
Sözügedən fiziki şəxs tərəfindən həyata keçirilən fəaliyyət
Gürcüstan Hökümətinin 322 saylı Qərarı ilə qadağan olunduğundan,
fiziki şəxs 2 000 lari məbləğində cərimələndi və gecə klubunun
fəaliyyəti dayandırıldı”, – deyə Əmək
müfəttişliyindən bildirilib.
Qurumdan verilən məlumata görə, yaradılan epidemioloji vəziyyətə
görə Əmək Müfəttişliyi vətəndaşların həyat və sağlamlığının
qorunması, həmçinin yeni koronavirusla mübarizədə müsbət
dinamikanın qorunması məqsədilə tövsiyələrin icrasına nəzarəti
gücləndirməyə davam edir.