Gürcüstan Maliyyə Nazirliyinin İstintaq Xidmətindən verilən
məlumata görə, Tbilisi ərazisində, müxtəlif növ psixotrop və xüsusi
nəzarət altında olan dərmanların resept olmadan və icazə şərtlərini
pozaraq sistematik şəkildə satıldığı 5 aptek aşkar edilib.
Xidmətdən verilən məlumata görə, mayın 5-də, müvafiq qərar əsasında
hər beş aptekin rəhbərləri qanunsuz fəaliyyət ilə məşğul olmaq
ittihamı ilə həbs olunub.
Aparılan istintaq tədbirləri nəticəsində adıçəkilən apteklərdən
külli miqdarda müxtəlif növ psixotrop dərmanlar götürülüb. Müvafiq
istintaq tədbirləri davam etdirilir.
Faktla bağlı Gürcüstan Cinayət Məcəlləsinin 1 ildən 3 ilədək həbs
cəzasını nəzərdə tutan 192-ci maddəsinin birinci hissəsi ilə
istintaq başladılıb.