Tbilisidəki Metexi körpüsündə axtarış-xilasetmə işləri gecə
saatlarında başa çatıb. Xilasedicilər avtomobili Kür çayından
çıxarıblar. Orada gənc oğlanın meyiti tapılıb.
"Daxil olan məlumata görə, avtomobil Metexi körpüsündən
Kür çayına düşüb. Yanğınsöndürmə və xilasetmə qüvvələri vaxtında
müdaxilə edib. Bir qrup dalğıc, eləcə də üzən qurğular,
yanğınsöndürənlərin şəxsi heyəti və xilasedicilər cəlb olunub.
Dalğıclar bir neçə saat davam edən axtarışlardan sonra ağır texnika
ilə çıxarılan avtomobili tapıblar. Avtomobildə ölmüş gəncin meyiti
tapılıb.
Kimliyi isə indiki mərhələdə naməlum olaraq qalır və müvafiq xidmət
tərəfindən müəyyən ediləcək”, - deyə Fövqəladə
Halların İdarə Edilməsi Xidmətinin nümayəndəsi, Tbilisi
Yanğınsöndürmə Qüvvələrinin rəisi Levan Muselian bildirib.
Kür çayında axtarış-xilasetmə əməliyyatları bir neçə saat ərzində
davam edirdi. Avtomobil fevralın 15-i axşam saatlarında Metexi
körpüsündən aşıb.