21 dekabr tarixində Marneuli bələdiyyəsinin 2024-cü il büdcəsinin
ikinci ictimai müzakirəsi baş tutub.
İclası Bələdiyyə Məclisinin sədri Amiran Qiorqadze açıb və büdcənin
müzakirəsini meriyanın Maddi-Texniki Xidmət rəhbəri Koba Çxitunidze
davam etdirib. O, bildirib ki, 2024-cü ilin büdcəsi indiki
mərhələdə 55 255 000 laridir, ancaq büdcənin yekun versiyasını
qəbul edənə qədər məbləğ yenə artacaq.
Marneulinin 2024-cü il büdcəsinin müzakirəsi təxminən 40 dəqiqə
davam edib. Müzakirədə əsasən yerli özünüidarə nümayəndələri
iştirak ediblər. Müxalifət partiyasının nümayyəndələri isə artıq
ikinci dəfədir ki, 2024-cü ilin ictimai müzakirəsində iştirak
etmirlər.
İclasda “Salam” platformasından başqa heç kim sual verməyib.
Marneuli Gender Bərabərliyi Şurasının nümayəndəsi İa Esebua isə
təşəbbüslə çıxış edib.
Marneuli Bələdiyyəsinin 2024-cü il büdcəsi Bələdiyyə Məclisinin, 25
dekabr tarixində keçiriləcək iclasında təsdiqlənəcək.
Bələdiyyə Məclisi iclasını tam şəkildə buradan izləyə
bilərsiniz: