Tbilisi Apellyasiya Məhkəməsi Tbilisi şəhər məhkəməsinin Mixeil
Saakaşvilinin səhhətinə görə cəzasının təxirə salınması
və ya cəzadan azad edilməsi barədə qərarını qüvvədə saxlayıb.
Saakaşvilinin vəkili Şalva Xaçapuridzenin “Netgazet”ə verdiyi
məlumata görə, apellyasiya məhkəməsi işə şifahi dinləmə olmadan
baxıb.
Xaçapuridzenin sözlərinə görə, Strasburq məhkəməsinə müraciətlə
bağlı hələlik heç bir qərar verilməyib.
Tbilisi Şəhər Məhkəməsinin hakimi Qiorqi Arevadzenin qərarına
əsasən, Mixeil Saakaşvilinin həbsinin təxirə salınması və/və ya
azad edilməsi ilə bağlı vəsatət rədd edilib.