“Bidzina İvanişvili gürcü xalqını məhv etmək üçün
hər şey edir. Biz təslim olmamalıyıq!”- bu barədə
“Milli Hərəkatın” sədri Levan Xabeişvili Parlament qarşısında davam
edən aksiyada bildirib.
Onun sözlərinə görə, “Gürcü Arzusunun” təsisçisi Bidzina
İvanişvili, Gürcüstanın baş naziri İrakli Qaribaşvili, Daxili İşlər
naziri Vaxtanq Qomelauri və “agentlər haqqında qanun” layihəsini
birinci oxunuşda dəstəkləyən 78 deputat aksiyada iştirak edən
gənclərin sağlamlığına görə məsuliyyət daşıyırlar.
“Gəncləri vururlar. Bu Putinin tapşırığıdır. Bu bizim gənclərin,
bizim ölkənin gələcəyinə qarşı məqsədli fəaliyyətlərdir. Bu rus
rejimidir. Hamı bunu görməlidir. Bidzina İvanişvili gürcü xalqını
məhv etmək üçün hər şey edir. Biz təslim olmamalıyıq! Sona qədər
mübarizə aparmalıyıq! Ən əsası odur ki, Qomeluri , Bidzina
İvanişvili, Qaribaşvili, hətta qanuna səs verən 78 deputat bütün
gənclərin sağlamlığına görə məsuliyyət daşıdığını bilsin. Hər bir
nəfərin sağlamlığı sizin boynunuzdadır!” – Xabeişvili
bildirib.