Gürcüstan prezidenti Salome Zurabişvili Litvaya səfər edib.
Prezident administrasiyasının məlumatına görə, Zurabişvili Litva
prezidenti Gitanas Nausedas, baş nazir İnqrida Şimonite və Seymin
spikeri Viktoriya Çmilite-Nilsen ilə görüşəcək.
Səfər çərçivəsində Gürcüstan Prezidenti Litvanın İşğal və Azadlıq
Mübarizə Muzeyinə baş çəkəcək, Ukraynada müharibə zamanı məcburi
köçkünlər üçün açılmış “Ukrayna Mərkəzi”nə baş çəkəcək.
Deputatlar Aleko Elisaşvili və Teona Akubardia Zurabişvili ilə
birlikdə Litvaya gediblər.