Con Penel bir müddət əvvəl ABŞ-ın Beynəlxalq İnkişaf
Agentliyinin (USAİD)
Qafqaz missiyasının direktoru vəzifəsinə təyin olunub. Diplomat
Tbilisiyə gəlməzdən əvvəl 2019-2022-ci illərdə həmin agentliyin
Liviyadakı ofisinə rəhbərlik edib. Daha əvvəl, 2015-2019-cu illərdə
isə Ukrayna və Belarusda ABŞ-ın Beynəlxalq İnkişaf Agentliyi
missiyasının direktoru müavini olub.
Bu gün Cənab Penel bizim qonağımızdır. Onunla agentliyin
Gürcüstanda fəaliyyətinin əsas istiqamətləri və mövcud
problemlərdən danışdıq.
- İctimai Gürcüstan: Son zamanlar ABŞ-ın Gürcüstandakı fəaliyyətinə
qarşı fəal media kampaniyası başlayıb. Gürcüstanda ilk dəfədir ki,
bu cür tənqid təkcə hakim çoxluqdan gəlmir, həm də Rusiya və digər
avtoritar dövlətlərin təbliğat elementlərini təkrarlayır. Necə
düşünürsünüz, bu niyə baş verir? Sizin reaksiyanız
necədir?
Con Penel: Bizim Gürcüstanla əməkdaşlıq sahəsində 30 illik
təcrübəmiz var. Biz burada gürcü xalqına Avroatlantikaya tələsməsi
üçün dəstək göstərməyə görə varıq. Buraya elə də çoxdan gəlməmişəm,
amma burada, Tbilisidə və paytaxtdan kənarda, müxtəlif regionlarda
çox adamlarla qarşılaşmaq imkanım oldu. Deyərdim ki, mənim bütün
görüşlərim – Parlamentin sədri, nazirlər və nazir müavinləri, eləcə
də Baş nazirin müavini, biznes sektor, ictimai təşkilatlarla
görüşlərimdə əhalidə Amerika Birləşmiş Ştatları ilə Gürcüstan
arasında olan tərəfdaşlığın davam etdirilməsinə böyük maraq
olduğunu gördüm.
Bu günlərdə, ABŞ və Gürcüstan arasında əməkdaşlığın 30 illiyi qeyd
olunacaq və bununla bağlı bizim səfir bütün ölkə miqyasında,
regionlara da səyahət edir. Səfir görüşlər zamanı Gürcüstan
əhalisindən daim qərb kursuna dəstək olan sözlər eşidir.
Xalqımızdan eşitdiklərimiz aydın şəkildə sizin xatrılatdığınız
çıxışlara ziddir. Bu kimi bəyanatlar, təəssüf ki, ictimaiyyətin
daha çox qütbləşməsinə səbəb olur.
Demək istəyirəm ki, gürcü xalqının, biznes sektorun, gənc
sahibkarların, eləcə də mülki fəalların imkanları məndə çox böyük
təəssürat oyatdı. Bayaq da qeyd etdiyim kimi, burada artıq 30 ildir
işləyirik və fəaliyyətimizi diqqətlə analiz edirik, nəticələrə də
göz gəzdiririk. Nəticələrdən danışsaq, bizim köməyimizlə yeni
fəaliyyətə başlayan məktəblər üçün yeni tədris proqramı yaradıldı,
hakimlərin hazırlanmasına, daha yüksək əməkhaqqı olan iş yerlərinin
yaradılmasına dəstək olduq. Fermer və digər sahibkarlara Avropa
İttifaqına ixrac standartlarını qane etməkdə kömək etdik.
Bizim yardımımızla bağlı məlumat ictimai şəkildə əlçatandır, ancaq
bütün proses çox şəffaf və rəqabətlidir. Təəssüf ki, bu iş hücum
hədəfinə çevrildi. Çünki biz burada gürcü xalqına yardım üçün varıq
və onların tərəfindən də əməkdaşlıq, tərəfdaşlıq istəyi
eşidirik.
- Vətəndaş cəmiyyətindən danışmaq istəyirəm: Biz də hakim
partiyanın ictimai təşkilatları gözdən salmaq üçün onlara qarşı
apardığı kampaniyanı işıqlandırırıq. Bu kampaniya “Zəngin
qeyri-hökumət təşkilatları”, “Qeyri-hökumət təşkilatlarının
qeyri-şəffaf klanı” və “ABŞ-ın təzyiqi altında olan qeyri-hökumət
təşkilatları” kimi ifadələr ətrafında yaradılır. USAİD artıq
illərdir öz layihələri vasitəsi ilə birbaşa, yaxud dolayı yolla
Gürcüstanın vətəndaş cəmiyyətinə dəstək göstərir. İcazə verin
soruşum, USAİD bunu hansı məqsədlə edir? Hansı nəticələri əldə
edib? Necə düşünrsünüz, əgər mülki məkanı məhdudlaşdırmaq səyləri
davam edərsə, donorlar bu halda hansı reaksiya
göstərməlidir?
Əlbəttə, bu bizim çox diqqətlə müşahidə etdiyimiz işdir. USAİD-da
və Amerika Birləşmiş Ştatlarında ciddi şəkildə inanırıq ki, fəal
vətəndaş cəmiyyəti güclü, şəffaf və iştiraka əsaslanmış demokratiya
üçün mütləq təməl daşıdır.
Biz vətəndaş cəmiyyətinə dəstək olmaq üçün yalnız Gürcüstanda
deyil, həm də bütün dünyada işləyirik. Amerika Birləşmiş
Ştatlarında da ictimai təşkilatlarımız var. Onlar insan hüquqları,
vətəndaş hüquqlarını qoruyurlar, hökumətdən onun fəaliyyətinə görə
hesabat tələb edirlər və vətəndaşların ehtiyaclarına cavab
verirlər.
Yalnız ötən il Gürcüstanda yüzdən artıq müxtəlif ictimai təşkilatla
işlədik. Məsələn, xüsusi ehtiyacı olan uşaqlar hökumətdən müvafiq
yardım ala bilsinlər, tullantıların emalı və ya içməli suyun
verilməsi baxımından, başqa ekoloji məsələlərdə yerli icmanın
yanında olsunlar.
Bizim yardımımızla qeyri-hökumət təşkilatları hüquqşünas və ya
vəkil tuta bilməyən şəxslərə pulsuz yardım göstərirdilər. Onların
sayəsində 90 000-dən artıq vətəndaş hüquqi yardım aldı, 14 min işdə
vətəndaşlara qeyri-hökumət təşkilatları tərəfindən ayrılmış
vəkillərinin olması üçün şərait yaradıldı. Vətəndaş cəmiyyəti məhz
belə işlər görür və ona görə də onun mövcud olması mühümdür.
Qeyri-hökumət təşkilatlarının fəaliyyətini təsvir etmək üçün bir
hadisə danışmaq istəyirəm: bizim tərəfdaş təşkilatlardan biri
uşaqlara məktəbə qəbul olmaqda müvafiq hüquqi maneələr olan zaman
kömək edir. Məsələn, bir uşaq anasını itirib, atası isə Rusiya
vətəndaşı idi və onun tapmaq mümkün olmadı. Nənəsi istəyirdi ki,
uşağa qəyyum olsun, ancaq hüquqi prosedurların başa çatması
gecikib. Uşaq hüquqlarını müdafiə edən qeyri-hökumət təşkilatı
qəyyumluq məsələsinin həllində də, uşağın məktəbə getməsində
problemlərin aradan qaldırılmasına nail oldu. İndi o, nənəsi ilə
yaşayır və məktəbə gedir. Vətəndaş cəmiyyəti belə işlərin həyata
keçirilməsi üçün yalnız Gürcüstanda deyil, həm də bütün dünyada
mühümdür. Ona görə gələcəkdə də onlara dəstək olmağa davam
edəcəyik.
-
İcazə verin, medianın azadlığı və dezinformasiya, bu iki
qarşılıqlı əlaqəsi olan mövzuya toxunum. Çox sayda müşahidəçilər
Gürcüstanın olduqca qütbləşmiş televiziya media mühiti haqqında
yazır, ancaq eyni zamanda qeyd edirlər ki, regionlar və onlayn
media vasitələrində tam fərqli, fəal, müstəqil, ictimai maraqları
qorumaq üçün işləyən jurnalistika mövcuddur. Həmin jurnalistika
düşmənin yanlış məlumat təbliğ etməsi ilə mübarizə aparmağa
çalışır. Bildiyim kimi, USAİD-in yanlış məlumata qarşı
istiqamətlənmiş proqramı var. Həmin proqram artıq uzun zamandır
həyata keçirilir. Bir az əvvəl isə mediaya dəstək olan yeni proqram
başladı. USAİD-in strategiyası necədir, bu sahədə nəyi və necə
dəstəkləməyi düşünürsünüz?
Təəssüf ki, qütbləşmə və yanlış məlumat bütün dünyanın, eləcə də
bizim ölkənin qarşısında dayandığı problemdir. Çox istəyirik
Gürcüstana, eləcə də çox ölkələrə informasiya məkanında yanlış
məlumat və təbliğatdan qorunmaqda kömək edək. Bunu etmək üçün
müstəqil jurnalistlərə və media vasitələrinə etik baxımdan düzgün,
faktlara əsaslanan məlumat yayımlamaqda dəstək oluruq. Bu yardımı
artıq illərdir göstəririk və gələcəkdə də davam etdirəcəyik. Bu
xüsusilə əhalinin gürcü dilində danışmadığı regionlarda mühümdür.
Belə hallarda mediaya yardım edirik ki, azlıqlara öz ana dillərində
məlumat versinlər.
Sərhədə yaxın yerləşən rayonlarda da vəziyyət çətindir. Bizim
köməyimizlə əhalinin faktlara əsaslanan, etik prinsiplərə istinadən
hazırlanmış məlumat almaq şəraiti var. Əks halda bu məlumat onlara
əlçatan olmayacaqdı. Bu mühümdür, hələ ki, onların ətrafında rus
media və dezinformasiyasının təsiri böyükdür.
Bir neçə həftə əvvəl yanlış məlumatla mübarizə haqqında innovativ
müsabiqədə iştirak etdim. Son iki il ərzində artıq ikinci dəfə belə
müsabiqə keçiririk. Gənclərə informasiya texnologiyaları sahəsində
bacarıqlarını nümayiş etdirmək imkanı verilir. Həmin bacarıqlardan
yalnız yanlış məlumatla mübarizədə deyil, həm də Gürcüstanda media
maarifləndirmənin yaxşılaşdırılması məqsədi ilə də istifadə edə
bilərlər. Bu müsabiqə iştirakçılara öz təcrübə və məhsulları ilə
beynəlxalq istifadəçini tanış etmək şəraiti yaradır. Onlar yeni
gəlir mənbəyi də yarada bilərlər. Hələ ki, məsələ sosial medianın
analiz alətlərindən, göstərici bazalarının məlumat aqreqatorlarına
aiddirsə. Bu istiqamətdə Gürcüstanda çox böyük potensial
görürük.
- USAİD-in proqramları ilə yaxşı tanış olanlar bilir ki,
son illərdə bizneslə sinergetikaya dəstək olmağa böyük diqqət
ayırırsınız. Məsələn, vətəndaş cəmiyyətinə dəstək olan klassik
layihələrdə biznes elementləri nəzərdə tutulub, gənc fəallara
dəstək proqramları işlə təmin etmənin əlçatanlığını da əhatə edir
və s. Niyə belə yanaşma? Artıq nəyə nail olubsunuz və bu USAİD-in
yanaşmasının dəyişməsimi deməkdir?
Bəli, bizim özəl sektorun iştirakı ilə bağlı yanaşmamış zamanla
dəyişdi. Görürük ki, bütün dünyada və burada, Gürcüstanda özəl
sektorun bizimlə tərəfdaşlıq etməyə böyük marağı var. Özəl sektorla
əməkdaşlıq innovasiyalara dəstək olmaqla bağlı çox sayda imkan
yaradır və ictimaiyyətin daha geniş təbəqələrinin iqtisadiyyatın
inkişafında iştirakına dəstək olur.
Ötən həftə Gürcüstan Peşə Bacarıqları Agentliyinin rəhbəri, Elm və
Təhsil nazirinin müavini və BMT-nin Qadın Təşkilatının Regional
direktoru ilə birlikdə yeni proqrama başladıq. Proqram ilkin
mərhələdə 17 müxtəlif sahəni əhatə edir. Bunlar
informasiya-kommunikasiya biznesi, turizm və mehmanxana xidməti,
tibb bacısı işi, avtomobil sənayesi, tikinti, limanların inkişaf
etdirilməsidir. Bu sahələrdə özəl sektoru müxtəlif təşkilatlarla
əlaqələndirdik ki, Gürcüstanda işçi qüvvəsinin müasirləşdirilməsi
üçün lazım olan bacarıqların aşkar edilməsinə kömək edək.
Qeyd etmək lazımdır ki, məsələn, tibb bacısı işi sahəsində müvafiq
kvalifikasiya və sertifikatın tətbiq edilməsi Avropa İttifaqına
üzvlüklə əlaqədar tələbdir və bu məsələdə Gürcüstanın xəstəxanaları
ilə sıx əməkdaşlıq edirik. Bundan əlavə, bir az əvvəl “TBC” Bankla
yeni razılaşma imzaladıq. Razılaşma 30 milyon ABŞ dolları dəyərində
kredit xəttinin açılmasını nəzərdə tutur və bunun çərçivəsində
kiçik, orta, böyük, xüsusilə də qadınların idarə etdiyi və ya
kənddə işləyən müəssisələr kredit götürə biləcəklər.
Biz bu proqramın on minlərlə yeni iş yerinin yaradılmasına və 100
milyondan çox yeni satışların yaradılmasına kömək edəcəyini
gözləyirik. Bu kimi yeni imkanlar yaratmağı məhz özəl sektorla
əməkdaşlıqa edə bilərik.
TBC Bank və eləcə də British Petroelum, Ajara Group və başqaları
ilə də belə razılaşmamız var. Onlarla əməkdaşlıq nəticəsində
çalışırıq ki, iqtisadi ehtiyacları müəyyən edək, onların şəbəkə və
təcrübəsindən vətəndaşların iqtisadi fəaliyyətə qoşulması üçün
istifadə edək.
Müstəqil institutların taleyi ictimai diqqət mərkəzindədir.
Məsələn, Xalq Müdafiəçisi Aparatı və Dövlət Audit Xidməti. İndi,
birində yeni rəhbərin təyin edilməsinə və digərində rəhbərliyin
gözlənilən dəyişikliyinə əksəriyyət heyrətlə baxır. USAİD-in
proqramları həmin institutların müstəqillik və effektivliyinə necə
dəstək göstərir?
Vətəndaş cəmiyyətinə dəstəklə yanaşı daha çox siyasi sahədə, Xalq
Müdafiəçisi Aparatı və Dövlət Audit Xidmətinə dəstək göstərməyə də
davam edirik. Hər iki institutla əməkdaşlığımıza görə çox qürur
duyuruq.
Xalq Müdafiəçisi Aparatı və onların komandası ilə bir neçə dəfə çox
yaxşı görüşüm oldu. Onların müstəqil institutu hakimiyyət
tərəfindən insan hüquqlarına reaksiya göstərilməsini təmin edir.
Onlar müxtəlif problemlərə reaksiya göstərmək baxımından çox mühüm
işlər görürlər və bunu daha da operativ, sürətli etməyə
çalışırlar.
Yeni Xalq Müdafiəçisinin seçilməsi prosesinin qərəzsiz və şəffaf
keçirilməsi, seçilmiş namizədin yüksək kvalifikasiyalı, hər tərəf
üçün qəbuledilən şəxs olması çox mühümdür. Bu bizim diqqətlə
müşahidə etdiyimiz mövzudur. Hələ ki, bu Avropa İttifaqına
namizədlik statusunu almaq üçün vacib olan 12 tələbdən biridir.
Dövlət Audit Xidmətinə gəldikdə isə bildiyiniz kimi, onların yeni
rəhbəri var və yaxın gələcəkdə görüşəcəyik. Dövlət Audit Xidməti
ilə son on il ərzində göstərdiymiz fəaliyyətə görə çox razıyam.
Xalq Müdafiəçisi Aparatı kimi onlar da müstəqil nəzarətçi orqan
rolunu yerinə yetirirlər. Ancaq bunu dövlət vəsaitinin idarə
edilməsi və istifadəyə verilməsinin şəffaflığını təmin etmək
məsələsində həyata keçirirlər. Biz onlarla əməkdaşlığı davam
etdirəcəyik. Sevinirəm ki, ABŞ Hökumətinin Hesabatlılıq Xidməti
(GAO) bu işdə bizim tərəfdaşımızdır və bu dəstəyin davam
etdiriləcəyini səbirsizliklə gözləyirik.
Müsahibə üçün çox sağ olun. Ümid edirik ki, yenə söhbət
etmək imkanımız olacaq.
Penel: Mən də sizə minnətdarlığımı bildirirəm.