Gürcüstan Parlamentinin üzvü Tariel Nakaidze Qurban bayramından
Parlament iclaslarında iştirak etmədiyinə görə əməkhaqqından 500
lari kəsiblər.
Bu onun əməkhaqqının 10%-dir. Nakaidze bildirir ki, əvvəlki
günlərdə Parlamentdə ictimai şəkildə onun mədəniyyəti üçün mühüm
bayramı qeyd etdiyinə görə iclasda iştirak edə bilməyəcəyini
açıqlamış olsa da, vəziyyəti nəzərə almayıblar və yenə də cərimə
yazıblar. Parlamentin deputatı etnik azlıqlara qarşı
qeyri-bərabər
və diskriminativ yanaşmdan danışır.
“27 iyun tarixində Parlamentin plenar iclası baş
tutanda mən bildirdim ki, 28 iyunda sessiyada ola bilməyəcəyəm.
Çünki həmin tarixdə müsəlmanların Qurban bayramıdır. Bildirdim ki,
bu ölkədə etnik azlıqların öz bayramlarını qeyd etmək imkanı olmalı
və həmin günlər istirahət günü elan edilməlidir. Bu bir növ aksiya
idi. Düzünü desəm, ümid edirdim ki, bunu nəzərə alacaqlar və üzrlü
səbəb hesab edəcəklər. Amma mail ünvanıma gələn cavabda konkret
olaraq üzrlü səbəb hesab edilmədiyi qeyd olunmuşdu və müvafiq
olaraq nəzərə almadıqlarını deməyə əsasım var. Bu sadəcə mənim üçün
çox mühümdür və niyə problem olduğunun yeganə aşkar nümunəsidir.
Məsələn, bir dominant dinin elan edilmiş bir neçə dini bayramı var,
istirahət günü elan edilmiş dini bayramları var və heç bir başqa
dini azlıqların belə şəraiti yoxdur. Bu ümumi qanunla diskriminativ
yanaşmadır. Bu düzgün deyil, əgər hansısa din ən az bir gün çox
mühüm bayramdan yararlanırsa, başqa dini azlıqlar da
yararlanmalıdır”, – Parlamentin üzvü bildirir.
Tariel Nakaidze indi işlə bağlı hüquqi mübahisə və qanunvericilik
təşəbbüsü hazırlamağı planlaşdırır. Təşəbbüsü güman ki, payızda
Parlamentə təqdim edəcək.
“Praktiki olaraq, cəza tədbirindən istifadə ediblər və
məni 10% cərimələdilər. Əlbəttə, buna etiraz etdim, çalışıram,
məhkəməyə verim və müvafiq hüquqi məsələni davam etdirim. Bu qələbə
mövzusu deyil. Məhkəmədə nəticə əldə etməsəm də, bu proses mənim
üçün mühümdür. Çünki mənim məqsədim bu prosesin düzəldilməsidir. Bu
prosesi isə yalnız və yalnız qanunvericilikdə dəyişiklik
düzəldəcək. Həmin dəyişiklik təqdim olunmalıdır və biz edəcəyik. Bu
proses problemin əsasını yaxşı əks etdirir və müvafiq olaraq bu
istiqamətdə danışılacaqlar aydındır, adi vətəndaşlar, eləcə də
qanunvericilik sahəsində xidmət göstərən, bu halda deputatlar üçün
asandır. Ümid edirəm ki, bu dəyişikliyi qəbul
edəcəyik”, – Nakaidze deyir.
Marneulili hüquq müdafiəçisi Samirə Bayramova fakta münasibətini
bildirib. O, deyir ki, bu onların mədəniyyəti üçün mühüm olan
tarixlərdə işə getmədikləri birinci hal deyil. Ramazan bayramı,
Qurban bayramı, Məhərrəm ayı, Novruz Bayramı – bu azərbaycanlı
icmanın kimliyinin bir hissəsi olan dini-mədəni bayramların natamam
siyahısıdır. Bayramova hesab edir ki, dövlət müxtəlif azlıqların
mədəniyyətini, bayramlarını tanımalı və qanunvericilikdə nəzərə
almalıdır.
“Burada gedib insan hüquqlarına çıxırıq. İnsanlar öz
hüquqlarından yararlanmalıdır və öz bayramlarından istirahət
etməlidirlər. 2014-cü ildə qəbul etdikləri və diskriminasiyanın
bütün formalarının aradan qaldırılmasına istiqamətlənmiş yeni
qanunvericilik məhz sənin dinində, etnik mənsubiyyətindən irəli
gələrək diskriminasiya olmamasını nəzərdə tutur. Bizim Əmək
Məcəlləsi ilə nəzərdə tutulmuş təxminən 13 bayramımız var. Buradan
yalnız 6-sı bizim ümumi dövlətçilik, milli hadisələrlə bağlıdır.
Qalanı xüsusi olaraq pravoslav-xristian bayramlarıdır. Əmək
Məcəlləsinə görə, işlə təmin olunan şəxsin qanunla nəzərdə tutulmuş
istirahət günləri əvəzində başqa istirahət günləri tələb etmək
hüququ var. Bu Əmək Məcəlləsi ilə müəyyən etməlidir. Bu deməkdir
ki, misal üçün, mən 21 martda Novruz Bayramını qeyd etmək
istəyirəm, iş yerim mənim üçün şənbə və ya bazar günü başqa iş günü
təyin etməlidir, gəlib işləməliyəm. Bizdə bu təcrübə yoxdur və öz
hüquqlarımızdan yararlana bilmirik. Burada da inklüzivlik,
bərabərlik, insan hüquqları pozulur və Diskriminasiyanın Bütün
Formalarının Aradan Qaldırılması Haqqında qanuna
ziddir”.
Artıq bir neçə ildir, Gürcüstan azərbaycanlıları Novruz bayramının
milli bayram olaraq və istirahət günü elan edilməsini tələb
edirlər. Yerli fəallar bu təşəbbüslə Parlamentə dəfələrlə müraciət
ediblər. Onlardan biri də Samirə Bayramovadır.
“Gürcüstan öz etnik rəngarəngliyi ilə fərqlənir və bu
bizim ölkənin zənginliyidir. Uzun illər ərzində Gürcüstanda bu
ölkənin etnik azlıqlarına Gürcüstanın tamhüquqlu vətəndaşları
olduqlarını hiss etdirəcək siyasət həyata keçirilə bilmədi.
Gürcüstanda yaşayan müxtəlif etnik azlıq nümayəndələri Gürcüstanı
öz vətənləri hesab edirlər. Ancaq onların ölkənin siyasi və ya
mədəni həyatında iştirakı demək olar hiss olunmur. Hesab edirik ki,
məhz mədəniyyət ictimaiyyəti bir-biri ilə əlaqələndirir və
birləşdirir. Bu birliyi qeyd etmək üçün Novruz Bayramı möhtəşəm
nümunədir. Bu bayram UNESCO tərəfindən qeyri-maddi mədəni irslərin
siyahısına daxil edilib. Gürcüstanda Novruzu qeyd etmək ənənəsi
əsrlərdir var. Bunu “Pələng dərisi geymiş pəhləvan” poeması da
təsdiq edir. Novruz bayramının istirahət günü elan edilməsi
Gürcüstanda yaşayan müxtəlif etnik qrupların dostluğunu
möhkəmləndirilməsində, mədəni və sosial əlaqələrin
gücləndirilməsində böyük rol oynayacaq. Dövlət tərəfindən bu
qərarın qəbul edilməsi bizim ölkənin çoxmədəniyyətli keçmişinin və
bu gününün tanınmasına, gələcəkdə isə onun təsdiqlənməsinə
istiqamətlənmiş mühüm siyasi mesaj olacaq”, – Samirə
Bayramova Novruz Bayramının istirahət günü elan edilməsi ilə bağlı
bu məktubu Gürcüstan Parlamentinə göndərib, ancaq nəticəsi
olmayıb.
Tariel Nakaidze ilə bağlı məsələni Tolerantlıq və Müxtəliflik
İnstitutu araşdırır. Təşkilatın nümayəndəsi Mako Qavtadze bizimlə
söhbəti zamanı bildirdi ki, bu günə qədər Gürcüstanda insanların
mədəni-dini baxımdan mühüm tarixlərdən yararlanması problem olaraq
qalır.
“Bildiyiniz kimi, bizim əmək qanunvericiliyi yalnız
pravoslav bayramlarını istirahət günü elan edib və faktiki olaraq,
bütün qalan dinlərin nümayəndələri qeyri-bərabər şəraitdə qalmalı
olurlar. İş yerində adamlara bu hüquqdan fərdi istifadə edə bilmək
imkanı verəcək və ya misal üçün, üzrlü səbəb hesab olunması üçün
hansısa tənzimləmə də yoxdur. Əmək qanunvericiliyi ilə oxşar daxili
tənzimləmələr də yoxdur. Dini bayramları qeyd etmək dini azadlığın
çox əsaslı hüququnu təşkil edən hissəsidir. Faktiki olaraq, adamlar
dini bayramlardan yararlana bilmirlər, onların dini azadlığı
məhdudlaşdırılır. Sonuncu dəfə baş vermiş bu hadisə, eşidəndə ki,
Parlament Tariel Nakaidzeni cərimələyib, o, tam obyektiv səbəbə
görə sessiyalardan birində iştirak etməyib, Gürcüstan
Parlamentindən hər hansı diskriminasiyanın olmamasını gözləməliyik.
Parlament özü Tariel Nakaidzeyə qarşı bu ölçüdən istifadə edib və
həmin ölçü isə problemin dərinliyini yaxşı
göstərir”.
Mako Qavtadze hesab edir ki, Gürcüstanın rəngarəngliyindən irəli
gələrək heç olmasa rəsmi istirahət günlərinin təqviminə nəzər
salınanda işlə təmin edilənlər üçün zəmanətlərin olması mütləqdir.
Onlar Əmək Məcəlləsi ilə elan edilmiş günlərdən əlavə, ildə ən az
iki gün istirahət günündən yararlanmalıdırlar. Bunun üçün isə
dövlətin icazəsi və öz vətəndaşlarını bərabər qəbul etməsi
lazımdır.
Material "Marneuli" radiosu
tərəfindən, USAİD-in Qanunun Aliliyi Proqramının
dəstəyi ilə həyata keçirilən, Tolerantlıq və Rəngarənglik
İnstitutunun "Gürcüstanda dini, etnik azlıqlar və
miqrantların qanuna əlçatanlığının artırılması" layihəsi
çərçivəsində hazırlanıb. Materialın məzmununa görə,
"Marneuli" radiosu tam məsuliyyət daşıyır və
materialda səsləndirilən fikirlər yuxarıda qeyd olunan donor
təşkilatın mövqeyini əks etdirməyə bilər.