Algeti uşaq bağçası üçün içməli su quyusunun qazılmasına 42 937 lariyədək vəsaitin xərclənməsi planlaşdırılır
Marneuli
bələdiyyəsi yerli özünüidarəetmə orqanı Algeti uşaq bağçası
üçün
içməli su quyusunun qazılması ilə bağlı tender
elan edib.
Tenderdə qeyd olunan məlumata görə, bağça açıldığı gündən bu
günədək oraya içməli su verilməyib. Marneuli Uşaq Bağçaları
Birliyinin rəhbəri Zaur Kərəmovun bizimlə söhbəti zamanı
bildirdiyinə görə, bu günədək Algeti uşaq bağçasını içməli su ilə
özəl şirkət təmin edirdi.
Bağçanın içməli su ilə təmin olunması üçün bələdiyyə 42 937
lariyədək vəsait xərcləyəcək.
Meriya tenderi 28 fevral tarixində elan edib, tenderdə iştirak
etmək istəyən şirkətlər 8 martdan 11 martadək müraciət edə
bilərlər. Qalib gəlmiş şirkət müqavilə bağlandıqdan 60 gün ərzində
içməli su quyusunu təhvil verməlidir.
Qeyd edək ki, Algeti uşaq bağçası 8 oktyabr tarixində açılıb.
Bağçada 5 qrupun hər birində 40 uşaq var. Bağça binası açılışdan 2
il əvvəl tikilmişdi, lakin daxili dizaynın qaydaya salınmasına görə
fəaliyyətə ötən il başlamışdı.