Marneulidə kollecin rəsmi təqdimatı 17 aprel
tarixində keçiriləcək, lakin şagirdlər bu peşə məktəbində 2 il
sonra təhsil ala biləcəklər.
Kollecin tikinti işləri hələ başlamayıb, məhz
buna görə də Rustavi Peşə Məktəbinin Marneuli filialı fəaliyyətə
illər sonra başlayacaq.
Gürcüstan Təhsil, Elm, Mədəniyyət və İdman Nazirliyinin Böyüklərin
Təhsili İdarəsinin rəhbəri Marika Zakareişvilinin “Marneuli”
radiosuna bildirdiyinə görə, Marneuli sakinləri peşə təhsili üçün
əsasən Rustavi və ya Tbilisiyə üz tuturlar.
“Kollecin yaradılması üçün işlər, torpaq axtarışı və s.
davam edir. Biz araşdırmışıq, bir il yarım bundan əvvəl Marneuli
rəhbərliyi ilə görüşümüz olmuşdu və aydın olmuşdu ki, Marneulidə
kollecin olmasına böyük tələbat var. Xüsusilə də kənd təsərrüfatı
istiqamətində”, – Marika Zakareişvili deyir.
Rustavi Peşə Məktəbi Marneulidə ilk dövlət kolleci olacaq.