Bu gün, 18 may tarixində Ədliyyə Evi çalışmağa başlayıb. Ədliyyə
Evinin ətrafında əhali sıxlığı hiss olunur.
Vətəndaşlar müxtəlif xidmətlərdən yararlanmaq üçün növbəyə
durublar.
Ədliyyə Evinin Marketinq və Xidmətlərin İnkişafı Şöbəsinin rəhbəri
Ani Qiqineişvili “Marneuli” radiosu ilə söhbəti zamanı bildirirb
ki, bu gündən vətəndaşlar Marneulinin Ədliyyə Evində bütün
xidmtələrdən istifadə edə biləcəklər.
“Başqa filiallarda olduğu kimi Marneulidə də bütün növ
dövlət xidmətləri, şəxsiyyət vəsiqəsi, pasport, doğum şəhadətnaməsi
və.s əlçatandır. Eləcə də Milli İctimai Reyestrin xidmətələri,
arxiv, Milli İcra Bürosunun xidmətləri də əlçatandır. Bu deməkdir
ki, indiyə qədər əlçatan olan bütün xidmətlər yenidən əlçatan
olacaq”, - Ani Qiqineişvili deyir.
Ədliyyə Evlərində xidmətdən yararlanmaq üçün vətəndaşlar əvvəlcədən
növbə tutmalıdır. Ani Qiqineişvilinin sözlərinə görə, bu
vətəndaşların Ədliyyə Evinin xidmətindən yararlanması üçün yeganə
imkandır.
“Qeydiyyatdan keçmək çox asandır. Əgər vətəndaşın evdə
kompüteri varsa, kimdənsə kömək istəyə bilər və telefon vasitəsilə
də qeydiyyatdan keçə bilər. Bu ona görə vacibdir ki, eyni məkanda
çox sayda əhali toplaşmasın”, – Ani Qiqeneişvili
deyir.
Ədliyyə Evlərinə növbə almaq üçün my.gov.ge. portalında
qeydiyyatdan keçmək lazımdır. Bir növbə aldıqda yalnız 1 xidmətdən
yararlanmaq mümkündür. Xidmətdən istifadə etmək üçün yalnız
maraqlanan şəxs Ədliyyə Evinə getməlidir. Növbə üçün qeydiyyatdan
keçdiyinizlə bağlı qısa mətnli təsdiq mesajı alınır. Xidmətdən
yararlanmaq üçün Ədliyyə Evində həmin mesajı göstərməniz vacibdir.
Qeyd etdiyiniz vaxtda Ədliyyə Evində olmalısınız. Əks halda sizə
xidmət göstərə bilməyəcəklər.