Marneulidə sürünənlərin dişləməsi ilə bağlı dörd hal qeydə
alınıb.
Xəstələrin dördünə də Marneulinin Aversi klinikasında vaksin
vurulub. Klinikadan bildirirlər ki, fakt bir neçə həftə əvvəl baş
verib. Hadisələr havanın temperaturu qalxdıqdan sonra sürünənlərin
sayı çoxaldığından baş verib. Dörd xəstədən yalnız birinə stasionar
müşahidə lazım olub.
Vaksin vurulan daha bir xəstəxana “Geo Hospitals” klinikasıdır.
Klinikadan bildirirlər ki, son bir neçə ay ərzində sürünənlərin
dişləməsi ilə bağlı heç bir xəstə gətirilməyib.
Bələdiyyədə yetərli sayda vaksinin olub olmadığını araşdırmaq üçün
Marneulinin İctimai Səhiyyə Mərkəzinin rəhbəri Eter Laperadze ilə
əlaqə yaratmağa çalışdıq. Ancaq o, bizim zənglərimizə cavab
vermədi.