24 dekabr tarixində Gürcüstan Parlamentinin deputat Savalan
Mirzəyev Parlamentdə çıxış edib.
O, bir neçə mövzunu gündəmə gətirərək nazir vəzifələrinə
namizədlərə suallar ünvanlayıb. Mirzəyev çıxışı zamanı ilk olaraq
Təhsil, Elm, Mədəniyyət və İdman naziri vəzifəsinə namizəd Mixeil
Çxenkeliyə müraciət edib. Regionda çox sayda məktəblərdə tikinti
işlərinin aparıldığını və bunun təqdirəlayiq olduğunu deyib.
Deputat bir çox qeyri gürcü dilli məktəblərin məktəb
direktorlarının olmadığını bildiridib. O, Çxenkelidən direktorsuz
qalmış məktəblərlə bağlı nə düşündüyünü soruşub.
“Çox sayda gürcü dilini bilən, məsuliyyətli kadrlarımız
var. Xahiş edirəm bu məsələ ilə bağlı fikrinizi bizimlə
bölüşərdiniz.”
Mirzəyevin növbəti sualı Tbilisi Azərbaycan Dövlət Dram teatrı ilə
bağlı olub. O, aktyorların məşq edərkən və tamaşalar hazırlayarkən
çətinliklərlə qarşılaşdığını bildirib.
“Truppa üzvləri çox ağır şəraitdə məşq etməli və tamaşa
səhnələşdirməli olurlar. Təəssüf ki, mən ikinci dəfədir bu
tribunadan bu mövzu ilə bağlı müraciət etməli oluram. Əvvəlki
komitə ilə bu barədə danışmışdıq. Xahiş edirəm bu istiqamətdə də nə
düşündüyünüzü deyərdiniz. Hansı planlarınız var, yaxud hansısa
yenilik gözlənilirmi?!”
Barışıq və Vətəndaş Bərabərliyi üzrə Dövlət naziri Tea Axveldianiyə
də müraciət edən Mirzəyev yeni bir ideyasının olduğunu vurğulayıb.
O, tələbələri və mülki cəmiyyətin fəal gənclərini həmin plana daxil
edilməsini və planın həyata keçirilməsində onların da iştirak
etməsinə imkan yaradılmasını xahiş edib.
Qeyd edək ki, ötən gün Marneuli və Qardabani seçki dairəsindən
majoritar deputat Zaur Darğallı da Parlamentdə çıxış etmişdi.