“Yeni Düşüncə İnstitutu” 27 dekabr tarixində “Esse” müsabiqəsi elan
edib. Müsabiqə təşkilatın tələbələrinin Marneuli meriyası
tərəfindən maliyyələşdirilən layihəsi əsasında təşkil olunub.
“Biz rəngarəng Gürcüstanın övladlarıyıq” mövzusunda gürcü və
Azərbaycan dillərində esselərin yazılması tələb olunur.
Nəzərdə tutulan essedən hər kəs öz istədiyi dildə esse (azərbaycan
və ya gürcü) yaza bilər. Hər kəs istədiyi dildə yazdığı esse ilə
müsabiqədə iştirak edə bilər.
Yazılan esselərdən yalnız 6-sı seçiləcək və qalib esselərdən 3-ü
azərbaycan, 3-ü gürcü dilində olacaq.
NTİ-ın təsisçilərindən Kamran Əfəndiyev “Marneuli” radiosu ilə
söhbəti zamanı bildirdi ki, müsabiqənin elan olunmasının əsas
səbəblərindən biri gəncləri internetdən, televizordan az da olsa,
uzaqlaşdıraraq yazı mədəniyyətinin inkişafına təkan
yaratmaqdır.
“Əsas məqsədimiz odur ki, gənclərdə azad düşüncə formalaşsın.
Bildiklərini və düşündüklərini çatdıra bilsinlər. Məqsəd yazı
mədəniyyətinin inkişaf etdirilməsidir. Son dövrlərdə uşaqlarda
oxuyub-yazmaq baxımından inkişaf azdır.”
O, müsabiqəyə qatılmaqda yaş məhdudiyyətinin olmadığını bildirdi.
Beləliklə məktəb şagirdləri, tələbələr könüllü olaraq müsabiqədə
iştirak edə bilərlər.
Qalibləri gözləyir:
- Birinci yer – Xarici sərt yaddaş diski (500
GB)
- İkinci yer – Bluetooth qulaqcıq
- Üçüncü yer – Power Bank (10000 MAH)
Yazılan esselərin hər biri sertifikatlı müəllimlər tərəfindən
yoxlanılacaq. Daha sonra isə qaliblər müəyyən olunacaq.
Esse yazarkən nəzərə alınmalı olan qaydalar:
- Essenin strukturu
- Essenin başlığı
- Müəllifin adı və soyadı
- Universitet, məktəb, sinif
- İstifadə edilən mənbə
Esse müsabiqəsinə qatılan şəxslər yazmış olduqları esseni elektron
poçt vasitəsi ilə təşkilatın
CLOAKING
ünvanına göndərə
bilərlər.
Qeyd edək ki, müsabiqə yanvar ayının 27-də sona çatır.
https://www.facebook.com/New.Thinking.Institute/posts/2781406065449261