Marneuli ictimai kitabxanası bu il 18 yanvar tarixində
fəaliyyətini bərpa edib. Kitabxananın rəhbəri Lana Xexelaşvilinin
sözlərinə görə, koronavirusun qarşısının alınması məqsədi ilə
vətəndaşlar onların oxu zalından və kompüterlərdən istifadə edə
bilməyəcəklər.
Kitabların verilməsi isə adi rejimdə davam etdirilir.
“Bildiyiniz kimi, bizə 1 oktyabr 2020-ci il tarixindən
fəaliyyətimizə davam etmək imkanı verildi, ancaq tənzimləmələri
nəzərə alaraq işləməli olacağıq. İlk növbədə maska taxmaq, məcburi
termoskrininq və dezinfeksiya məhlulu ilə əllərin təmizlənməsidir.
İndi oxucu sayı kifayət qədər azalıb. Ancaq yenə də yeni
oxucularımız var və kitablar verəcəyik. Oxucu zalından və
kompüterlərdən istifadə etmək yenə də məhdud olaraq
qalır.”
İctimai Kitabxanadan verilən məlumata görə, 2020-ci il ərzində 140
yeni oxucu qeydiyyatdan keçib. Oxucular tərəfindən 1702 kitab
aparılıb. 158 nəfər zaldan, 163 nəfər isə kompüterdən istifadə
edib. Marneuli İctimai Kitabxanasından 2019-cu ildə 5941 kitab
aparıblar. Həmin il zaldan 550 oxucu, kompüterlərdən isə 619 nəfər
istifadə edib.
Marneuli kitabxanası 2017-ci ildə açılıb.
"Marneuli" Radiosu