Gürcüstanın Təhsil, Elm, Mədəniyyət və İdman Naziri Mixeil
Çxenkeli məzunları məktəbi bitirmələri münasibətilə təbrik edib,
onlara uğurlar arzulayıb və yeni təcrübələri, inkişafın yeni
perspektivləri və məsuliyyəti ilə seçilən bu yeni nəslin xüsusi bir
gələcək yaradacağına ümid etdiyini bildirib.
“Mənim gənc dostlarım, həyatınızın ən əhəmiyyətli hadisələrindən
biri olan məktəbi qurtarmağınız münasibətilə sizi təbrik edirəm.
Yəqin ki, dəfələrlə fikirləşmizdiniz ki, “Son zənginiz” necə
olacaqdı, məktəbi necə tərk edəcəkdiniz və həyatın növbəti, yeni və
maraqlı mərhələsinə doğru addımlarınızı necə atacaqdınız. Amma
indiyə qədər görünməmiş bir çağırışın qarşısındayıq və bu çağırış
sizi məktəbdən, müəllimlərdən və sevimli dostlarınızdan uzaq saldı.
Bütün bunlara baxmayaraq, siz bu çağırışla mübarizə apardınız və
öhdəsindən gəldiniz. Distant təhsil almaq yolu ilə bu çağırışdan
qalib çıxdınız. Bu şəraitdə bizim qarşımızda duran ən böyük vəzifə,
ən böyük tapşırıq tədris prosesinin arasıkəsilməz davam etdirilməsi
idi. Yəqin ki, bu gün bu tapşırığın əhəmiyyəti aydın oldu.
Qarşımızda duran istənilən çətinliyi elmlə, biliklə dəf edə
bilərik. Siz öz biliyinizi dərinləşdirmək, çağırışlara qarşı hazır
olmaq, novator yanaşmalarla özünüzün, ölkəmizin və insanlığın
taleyini idarə etməyi bacarmalısınız. Siz seçilən bir nəsilsiniz və
əminəm ki, elə bu cür də seçilən, xüsusi bir gələcək
yaradacaqsınız! Bu maraqlı yolda sizə uğurlar
arzulayıram!”, - deyə nazir məzunlara müraciət
edib.
Xatırladaq ki, bu gün, mayın 20-də 12-ci sinif şagirdləri üçün
tədris başa çatdı. Amma onların abituriyent kimi maraqları nəzərə
alınacaq və “Teleməktəb” çərçivəsində onlar üçün nəzərdə tutulmuş
xüsusi dərslər iyunun 15-dək davam etdiriləcək.