Şirkətlərin Covid-19-la bağlı tövsiyələrə əməl edib-etməməsi
monitorinqinə bu həftə başlanacaq.
Bu barədə Səhiyyə Nazirliyinin Əmək Müfəttişliyinin rəhbəri Beka
Peradze "Business Press News" ilə söhbəti zamanı bildirib.
Onun sözlərinə görə, ölkədə elan edilmiş fövqəladə vəziyyət zamanı
ümumilikdə 5 622 şirkət yoxlanılıb, onlardan 3 573-ü iqtisadi
fəaliyyətlərinin davam etdirilməsinə icazə veriləcək bütün
tələblərə cavab verib. 2 289 şirkətə isə tövsiyələr verilib.
"Ümumilikdə 5 862 şirkət yoxlanılıb, onlardan 3 573-ü
tövsiyələrə tam əməl edib, 2 289 obyekt tələblərə cavab verməyib.
İşləməyən şirkətlərdən danışırıq, amma getdik, yoxladıq və
tövsiyələr verdik. Müvafiq olaraq, şirkətin hazır olduğunu
təsdiqləyirdik. Daha dəqiq desək, iş prosesi bərpa edildikdə, işə
davam etməyin nə qədər təhlükəsiz olacağını təftiş edirdik.
Covid-19-la bağlı qaydalara gəldikdə, gündəlik rejimdə,
planlaşdırılmış yoxlamalar artıq bu həftədən başlayacaq.
Bilirsiniz ki, şirkətlərə artıq iqtisadi fəaliyyətlərini davam
etdirmək hüququ verilib. Nəticə etibarilə iş prosesində onların bu
tövsiyələrə nə dərəcədə əməl etdiklərini artıq gördük. Yoxlama
bütün Gürcüstan miqyasında aparılacaq.
Yoxlama prosesində əmək müfəttişliyi ilə yanaşı, Gəlirlər Xidməti,
Ətraf Mühitin Nəzarəti Departamenti və müxtəlif qurumlar da iştirak
edirdi", - deyə Beka Peradze bildirib.