Səhiyyə naziri Ekaterine Tikaradzenin bəyanatına görə, indiki
mərhələdə Gürcüstanda koronavirus hallarının artmasını gözləmirlər.
Onun sözlərinə görə, real vaxtda infeksiyanın yayılma göstəricisi
0,59-dur.
“Bizim hələ ki, bir neçə kəskin nöqtəmiz var. Orada
infeksiya ötürülür və bizim epidemioloqlar tərəfindən həmin
regionlar davamlı olaraq araşdırılır. Ancaq bizim tərəfimizdən
həmin ərazilər tam nəzarətə götürüldüyü üçün ölkə miqyasında
infeksiyanın yayılması gözləntisi və riski
minimumdur”, – nazir “Rustavi 2”-nin efirində
bildirib.
Gürcüstanda 731 nəfər koronavirusa yoluxub. Onlardan 526 nəfər
artıq sağalıb. Xaricdən Gürcüstana müalicə üçün 3 vətəndaş
gətirilib. 12 nəfər dünyasını dəyişib. İndiki mərhələdə karantində
3 076 nəfər var. 300 nəfər isə stasionar müşahidə altındadır.