Gürcüstanda 227 nəfər koronavirusa yoluxub
Gürcüstanda son sutka ərzində yeni növ koronavirusa (COVID-19) 227
yoluxma halı qeydə alınıb.
Bu barədə Gürcüstan hökumətinin koronavirusla mübarizə çərçivəsində
yaratdığı xüsusi internet saytı stopcov.ge-dən məlumat verilib.
Bununla da ölkədə koronavirusa yoluxanların sayı 4 140 nəfərə
çatıb.
Son sutka ərzində 2 nəfər isə COVID-19-dan vəfat edib.
Qeyd edək ki, Gürcüstanda koronavirus səbəbi ilə hazırda 5 255
nəfər karantində saxlanılır, 836 nəfər isə stasionar şəraitdə
müalicə olunur. Virusa yoluxanlardan 1 643 nəfərin sağaldığı, 24
nəfərin isə vəfat etdiyi bildirilir.