“Keşəl, Ambarovka və Algeti Üzümçülük Təsərrüfatı
kəndlərində içməli su problemini həll etdik”, – bu
barədə Marneuli və Qardabanidən majoritar deputatlığa namizəd Zaur
Darğallı öz şəxsi "Facebook" səhifəsində bildirib.
Onun yazdığına görə, uzun illər susluqdan əziyyət çəkən kəndlər
içməli su ilə təmin edilib.
Zaur Darğallı onu da əlavə edib ki, onlar tərəfindən əhaliyə
verdikləri sözü yerinə yetiriblər.
Qeyd edək ki, Marneuli bələdiyyəsinin Kürtlər, Algeti və Kəpənəkçi
ərazi vahidliyinə daxil olan kəndlərinə yeni içməli su xətti
çəkilir. Yeni xətt çəkildikdən sonra Algeti, Təzəkənd, Əzizkənd,
Hacıisakənd, Kürtlər, Ambarovka, Algeti Üzümçülük Təsərrüfatı və
Keşəli kəndləri içməli su ilə təmin olunacaq. Tender yanvar ayında
elan edilmişdi və mart ayında layihə başlamalı idi. Amma
pandemiyaya görə layihə may ayında başladı.
Layihənin birinci hissəsi sona çatıb. İkinci hissənin tikintisi
hələ də davam edir. Yerli özünüidarə kəndlərin su ilə təmin
edilməsi üçün 3 150 685 lari dəyərində tender elan edib. Tender
yanvar ayında elan edilmişdi və mart ayında layihə başlamalı idi.
Amma ölkədə koronavirusun yayılmasına görə layihənin həyata
keçirilməsi may ayına kimi təxirə salındı. Tenderə görə, qalib
gələn şirkət işləri müqavilə bağlandıqdan sonra 135 gün ərzində
başa çatırmalıdır.