ABŞ Ali Məhkəməsi prezident Co Baydenin böyük şirkətlərdə çalışan
işçilərin peyvənd edilməsini və ya həftəlik test olunmasını tələb
edən təşəbbüsünü bloklayıb.
Məlumatı BBC yayıb. Nəşr yazır ki, hakimlər Baydenin təşəbbüsünün
onun səlahiyyətlərini aşdığını bildiriblər, baxmayaraq ki, Ali
Məhkəmənin qərarına əsasən, peyvənd yalnız ABŞ hökuməti tərəfindən
maliyyələşdirilən tibb müəssisələrində məcburi ola bilər.
Co Bayden administrasiyası işçilərin məcburi peyvənd edilməsinin
pandemiya iləmübarizənin yeganə yolu olduğunu vurğulayır. Buna
uyğun olaraq, prezident Ali Məhkəmənin qərarından “məyus” olduğunu
açıq şəkildə bildirir.
“Mən hələ də iş adamlarını dərhal peyvəndin məcburi olduğu sıralara
qoşulmağa çağırıram. Bununla siz işçiləri, istehlakçıları və geniş
ictimaiyyəti qoruyursunuz", - deyə Co Bayden bildirib.
Məlumat üçün bildirək ki, ABŞ Prezident Administrasiyası bir neçə
aydır ki, iri şirkətlərin işçilərindən məcburi peyvənd olunma və ya
öz vəsaitləri hesabına həftəlik birgə testlər tələb edir.