Xəstəliklərə Nəzarət üzrə Milli Mərkəzin rəhbəri Amiran Qamkrelidzenin sözlərinə görə, ölkədə gücləndirici doza ilə peyvənd olunmanı artırmaq üçün pul stimulları tətbiq oluna bilər.

Qamkrelidzenin jurnalistlərə izah etdiyi kimi, o, Maliyyə naziri Laşa Xutişvili qarşısında İdarələrarası Koordinasiya Şurasının iclasında bu məsələni qaldırıb.

Onun sözlərinə görə, noyabrın sonunda tətbiq edilən 200 lari dəyərində pul təşviqi işə yarayaraq 60 yaşdan yuxarı 125 min vətəndaşı peyvənd olunma prosesinə əlavə edib. Eyni zamanda, 50 yaşdan yuxarı vətəndaşlar arasında peyvəndlənmə göstəricisi 3 dəfə artıb.

“Biz bu gün də bu məsələni qaldırdıq, noyabrın sonunda tətbiq edilən 200 lari pul stimulu işə yaradı. Əlavə olaraq 125 min 60 yaşdan yuxarı vətəndaşımız peyvənd edilib, 50 yaşdan yuxarı əhali üçün də bu addım yarayır. Dekabr ayı ilə müqayisədə peyvəndləmə göstəricisi 3 dəfə artıb. Mən özüm də dəstəkləyirəm və bu gün maliyyə nazirinin qarşısında da bu məsələni qaldırdım ki, “gücləndirici” dozanı təşviq edək. “Gücləndirici” doza ilə peyvənd olunmanı artırsaq, bu, "omikron" dalğasının intensivliyini ciddi şəkildə azaldacaq. Mən sizə (jurnalistlərə) pul mükafatı verə bilməyəcəm amma öz yaşımdakı insanlara mümkündür", - deyə Amiran Qamkrelidze bildirib.